અમદાવાદઃ અમદાવાદની સિવિલ હોસ્પિટલની વધુ એક ઘોર બેદરકારી સામે આવી છે. હોસ્પિટલના કિડની વિભાગમાં પ્રથમ માળે રાખેલા કોરોના પોઝિટિવ દર્દીની સારવાર અને સારસંભાળમાં ઘોર બેદરકારી દાખવવામાં આવી હતી. અહીં 60 વર્ષીય વૃદ્ધને બીમારી હોવાથી પથારીમાં પેશાબ થઇ ગયા છતાં 5 કલાક સુધી તેમની પથારીની સાફ-સફાઇ કરવામાં આવી નહોતી.
સિવિલ હોસ્પિટલમાં દર્દીઓની સાર-સંભાળમાં કચાસ જોવા મળી રહી છે. અહીં 60 વર્ષીય વૃદ્ધને બીમારી હોવાથી પથારીમાં પેશાબ થઇ ગયા છતાં 5 કલાક સુધી તેમની પથારીની સાફસફાઇ કરવામાં આવી નહોતી. બપોરે 12 વાગ્યાથી વૃદ્ધ દર્દી સાફસફાઇ માટે રાહ જોતા રહ્યાં હતાં. તેમ છતાં કલાકો સુધી હોસ્પિટલ સ્ટાફ ત્યાં ન ફરક્યો.
એટલું જ નહીં આસપાસના દર્દીઓએ પણ સ્ટાફને ફરિયાદ કરવા છતાં સફાઇ માટે એક પણ કર્મચારી આવ્યા નહોતા. મહત્વનું છે કે, છેલ્લા 4 દિવસથી સિવિલમાં દર્દીઓની અયોગ્ય સારવાર તેમજ મોત મામલે બેદરકારીના સંખ્યાબંધ કિસ્સાઓ સામે આવ્યાં છે.
