3 સપ્ટેમ્બરથી ગુજરાત યુનિવર્સિટીની ઓફલાઇન પરીક્ષાઓ શરૂ

ગુજરાત યુનિવર્સિટીમાં ગુરુવારથી ઓફલાઈન પરીક્ષા શરૂ થવા જઈ રહી છે. કોરોના મહામારીને લઈને 2 તબક્કામાં પરીક્ષા લેવાશે. 3 અને 12 સપ્ટેમ્બરે એક લાખ જેટલા વિદ્યાર્થીઓની પરીક્ષા આપશે.

અમદાવાદઃ ગુજરાત યુનિવર્સિટીમાં ગુરુવારથી એટલે કે 3 સપ્ટેમ્બરથી લો અને માસ્ટર્સમાં ભણતા વિદ્યાર્થીઓની પરીક્ષા લેવાશે. તેના માટે આગમચેતી પગલાં ભરી લેવામાં આવ્યા છે. કોરોના કાળમાં પરીક્ષા હોવાથી કોવિડ-19ની ગાઈડલાઈન્સ પ્રમાણે સેનેટાઈઝર, ટેમ્પ્રેચર, સોશિયલ ડિસ્ટન્સની તૈયારી પણ કરવામાં આવી છે. વિદ્યાર્થીઓને પરીક્ષા સમય કરતા એક કલાક પહેલા પ્રવેશ અપાશે. ગુરુવારથી ગુજરાત યુનિવર્સીટીની ઓફલાઈન પરીક્ષાઓ શરૂ થશે.

કોરોના સંક્રમણને કારણે જુદા-જુદા કોર્ષનાં અંતિમ વર્ષના વિદ્યાર્થીઓની પરીક્ષા બે તબક્કામાં લેવાનો નિર્ણય કર્યો છે. 3 સપ્ટેમ્બર અને 12 સપ્ટેમ્બરના રોજ અંદાજે 1 લાખ જેટલા વિદ્યાર્થીઓ ગુજરાત યુનિવર્સિટીની પરીક્ષા આપશે.

કોવિડની ગાઈડલાઈન્સ પ્રમાણે પરિક્ષા કેન્દ્રના તમામ વર્ગખંડો સેનેટાઇઝ કરાયા છે. પરીક્ષા આપનાર તમામ વિદ્યાર્થીઓના ટેમ્પરેચરની ચકાસણી કર્યા બાદ જ પ્રવેશ અપાશે. આ સાથે જ એક બેન્ચ પર એક વિદ્યાર્થીને બેસાડી સોશિયલ ડિસ્ટનસિંગ સાથે પરીક્ષા લેવાશે. તમામ તકેદારી સાથે પરીક્ષાના સમય કરતા 1 કલાક પહેલાં પરિક્ષાખંડમાં વિદ્યાર્થીને પ્રવેશ અપાશે.