અમદાવાદ ACBએ ખેત તલાવાડી કૌભાંડમાં નવા ખુલાસા કર્યા

અમદાવાદમાં ACB દ્વારા ખેત તલાવડી કૌંભાંડમાં દિવસેને દિવસે નવા ખુલાસાઓ સામે આવી રહ્યા છે. ત્યારે ખેત તલાવડી કૌભાંડમાં અત્યાર સુધી 100થી વધુ આરોપીઓની સંડોવણી સામે આવી છે. જ્યારે કેટલાક આરોપીઓ જામીન પર મુક્ત થયા છે.

• ACBએ ખેત તલાવડી કૌભાંડની તપાસ શરુ કરી
• ઓડિટ કરતી CA ફર્મ પીપારા એન્ડ કંપનીની ગેરરીતિ સામે આવી
• CA તરીકે કામ કરતા 2ની ધરપકડ

અમદાવાદ : ACB ખેત તલાવડી કૌભાંડની તપાસ કરતા ઓડિટ કરતી CA ફર્મ પીપારા એન્ડ કંપનીની ગેરરીતિ સામે આવી છે. જોકે, CA ફર્મના માલિક દ્વારા ઓડિટ વિશે કામગીરીમાં અનેક ક્ષતિઓ સામે આવી હતી. જેથી ફોજદારી રાહે પગલાં ભરવા ACBએ મંજૂરી માંગી હતી.

કંપનીમાંથી સંખ્યાબંધ પુરાવા અને કમ્પ્યુટર કબજે કર્યા

પિપારા એન્ડ કંપનીમાંથી સંખ્યાબંધ પુરાવા અને કમ્પ્યુટર કબજે કર્યા હતા. તે દરમિયાન પીપારા કંપનીમાં CA તરીકે કામ કરતા ભૌમિક ગાંધી અને મિતેષ ત્રિવેદીની ધરપકડ કરવામાં આવી હતી.

ઓડિટર તરીકે CA ફર્મમાં કામગીરી કરતા હતા

ધરપકડ કરાયેલા બંન્ને વ્યક્તિઓ ઓડિટર તરીકે CA ફર્મમાં કામગીરી કરતા હતા. અત્યાર સુધીના ACBમાં નોંધાયેલા ખેત તલાવડી કૌંભાંડના 23 ગુનાઓમાં સંડોવણી સામે આવી છે. જ્યારે ફર્મના માલિક તથા પિતા-પુત્ર નમન પિપારાં અને જ્ઞાનચંદ પિપારા વિરુદ્ધ ACB એ LOC નોટિસ જાહેર કરી તપાસ શરૂ કરી છે.