અમદાવાદમાં કોરોનાનો કહેર યથાવત : માઇક્રો કન્ટેન્ટમેન્ટ ઝોનમાં વધારો

અમદાવાદ શહેરમાં કોરોનાના કેસમાં સતત વધારો થઈ રહ્યો છે. ત્યારે બોડકદેવ વિસ્તારમાં કોરોનાના કેસમાં ઉછાળો જોવા મળી રહ્યો છે. બોડકદેવમાં આવેલી કાસા વ્યોમા બિલ્ડિંગમાં કુલ 210 મકાનને કન્ટેન્ટમેન્ટ ઝોનમાં રાખવામાં આવ્યા છે. આ બિલ્ડિંગમાં રહેતા 850 લોકોને ક્વોરેન્ટાઇન કરવામાં આવ્યા છે.

• માઇક્રો કન્ટેન્ટમેન્ટ ઝોનમાં સતત વધારો
• બોડકદેવમાં આવેલી કાસા વ્યોમા બિલ્ડિંગના 210મકાનો કન્ટેન્ટમેન્ટ ઝોનમાં
• ખાનગી હોસ્પિટલમાં બેડ ભરવાની ગેરકાયદેસર ચાલતી પ્રવૃત્તિ

અમદાવાદ : શહેરમાં કોરોનાના કેસમાં સતત વધારો થઈ રહ્યો છે. ત્યારે શહેરના બોડકદેવ, ચાંદલોડિયા વિસ્તારમાં કોરોનાના કેસમાં વધારો જોવા મળી રહ્યો છે. બોડકદેવ વિસ્તારમાં આવેલી કાસા વ્યોમા બિલ્ડિંગમાં કુલ 210 મકાનને કન્ટેન્ટમેન્ટ ઝોનમાં રાખવામાં આવ્યા છે. આ બિલ્ડિંગમાં રહેતા 850 લોકોને ક્વોરેન્ટાઇન કરવામાં આવ્યા છે. શહેરમાં પશ્ચિમના વિસ્તારોમાં પણ વિશાળ સંખ્યામાં પોઝિટિવ કેસ આવતા તંત્ર દોડતું થયું છે.

માઇક્રો કન્ટેન્ટમેન્ટ ઝોનમાં સતત વધારો

જાહેર પરિવહનના વાહનો કરફ્યૂના સમય અવરજવર કરી શકશે નહીં

અમદાવાદ શહેરમાં માઇક્રો કન્ટેન્ટમેન્ટ ઝોનમાં સતત વધારો થઈ રહ્યો છે. જે કારણે રાત્રિ કરફ્યૂ પણ લગાવી દેવામાં આવ્યો છે અને જાહેર પરિવહનના વાહનો પણ કરફ્યૂના સમય સિવાય જ અવરજવર કરી શકશે.

અધિકારીઓની બેઠક યોજવામાં આવી

અમદાવાદ શહેરમાં કોરોનાના કેસમાં વધારો થઈ રહ્યો છે. ત્યારે શહેરમાં સરકારી અને ખાનગી હોસ્પિટલમાં નવા દર્દીઓ માટે બેડ ન હોવાની ચર્ચાઓ થઈ રહી છે. ત્યારે શહેરમાં કોરોનાની ગંભીર પરિસ્થિતિ અને હોસ્પિટલમાં કેટલા બેડ ખાલી છે, આ અંગે ચર્ચા કરવા માટે અધિકારીઓની બેઠક યોજવામાં આવી હતી.

બોડકદેવમાં આવેલી કાસા વ્યોમા બિલ્ડિંગના 210 મકાનો કન્ટેન્ટમેન્ટ ઝોનમાં

ઓક્સિજન લેવલ ઓછું હોય તેવા દર્દીઓને દાખલ કરવાની પ્રાથમિકતા આપવામાં આવે તેવા આદેશ કરાયા

આ બેઠકમાં શહેરમાં ખાનગી હોસ્પિટલ દ્વારા બેડ ભરવા માટે થઈ રહેલી ગેરકાયદે પ્રવૃત્તિ પર પણ ચર્ચાઓ કરવામાં આવી હતી. જરૂરિયાત ન હોય તેવા દર્દીઓને હોસ્પિટલમાં દાખલ ન કરવા અને જરૂરિયાત હોય એટલે કે, ઓક્સિજન લેવલ ઓછું હોય તેવા દર્દીઓને દાખલ કરવાની પ્રાથમિકતા આપવામાં આવે તેવી પણ આદેશ કરવામાં આવ્યા છે.

એક પરિવારના દર્દીઓને એક જ હોસ્પિટલમાં રાખવા આદેશ

AMC દ્વારા 108 સેવાને સૂચના આપવામાં આવી છે કે, એક જ પરિવારના દર્દીઓને બને ત્યાં સુધી એક જ હોસ્પિટલમાં લઈ જવામાં આવે. તેમ છતાં કોઈપણ વ્યક્તિગત કિસ્સાઓ પ્રકાશમાં આવે તો તેનું ધ્યાન દોરવા પણ અપીલ કરવામાં આવી છે.

અમદાવાદ શહેરમાં કોરોનાના કેસમાં સતત વધારો થઈ રહ્યો છે. ત્યારે બોપલ વિસ્તારમાં કોરોનાના કેસમાં ઉછાળો જોવા મળી રહ્યો છે. સાઉથ બોપલ વિસ્તારમાં આવેલી ઇસ્કોન પ્લેટિનમ કુલ 304 મકાનને કન્ટેન્ટમેન્ટ ઝોનમાં રાખવામાં આવ્યા છે. આ બિલ્ડિંગમાં રહેતા 1150 લોકોને ક્વોરેન્ટાઇન કરવામાં આવ્યા છે.