અમદાવાદ: ઉતરાયણ પર્વના (makar sankranti 2022) સમયે ઠંડી વધુ હોવાથી જઠરાગ્નિ વધુ પ્રદીપ્ત થાય છે. ત્યારે આવો ચીકાશયુક્ત આહાર લેવાથી શરીરમાં આખા વર્ષનુ સત્વ શરીરમાં જળવાઈ રહે છે.
વિવિધ પ્રકારની ચીકી
ચીકી નાના-મોટા સૌ લોકોને ભાવતી હોય છે. ચીકીને ભારતની ચોકલેટ (Chiki Indian Chocolate) કહી શકાય છે. શિયાળાની શરૂઆતથી જ ચીકી સહિતના વસાણાઓનું ઉત્પાદન રાજ્યમાં થવા લાગે છે. ચીકીના વિવિધ પ્રકાર હોય છે, જેમકે તલની ચીકી, સીંગની ચીકી, માવા ચીકી, ડ્રાય ફ્રુટ ચીકી, સેન્ડવીચ ચીકીની (More demand for sandwich Cheeky) આ વખતે વધુ માંગ છે.
ચીકી બનવવાની પ્રક્રિયા
જુદી-જુદી ચીકી બનાવવાની પ્રક્રિયા લગભગ એકસરખી હોય છે. જેમાં સૌપ્રથમ જે વસ્તુની ચીકી બનાવવાની હોય તે વસ્તુને શેકી નાખવામાં આવે છે. ત્યારબાદ ગોળનું પાણી કરવામાં આવે છે. આ ગોળના પાણીને એક પીપળામાં ભરવામાં આવે છે આથી રેતી જેવો કચરો નીચે બેસી જાય છે અને હલકો કચરો ઉપર આવી જાય છે. આમ ગોળને ગાળવાની પ્રક્રિયા પૂરી થાય છે. આ ગોળના પાણીને ગરમ કરીને તેમાં લિકવિડ ગ્લુકોઝ ઉમેરીને ચાસણી બનાવાય છે. તે ગરમ પાકા પાયાની ચાસણીમાં શેકેલા તલ કે શીંગ નાખીને તેનો માવો બનવાય છે. આ માવાને પતલી ચોકીમાં પાથરીને તેના આકાર પ્રમાણે કટ કરવામાં આવે છે. તે સૂકાઇ જતાં ચીકી તૈયાર થઈ જાય છે. ત્યાર બાદ તેને બોક્સમાં પેક કરીને માર્કેટમાં વેચવા માટે મૂકવામાં આવે છે