અમદાવાદ: ઉત્તરાયણના (Uttarayan 2022 Gujarat) તહેવાર દરમિયાન (Makar Sankranti 2022)દોરીના કારણે ગળામાં ઇજા અને અકસ્માતના બનાવો બનતાં (Injury due to kite string In Gujarat) હોય છે, જેમાં 2 દિવસમાં કુલ 108 ઇમર્જન્સીને 6083 કોલ મળ્યા હતા, જેમાં કુલ 363 લોકોના દોરી વાગવાથી ગળા કપાયા છે.
અમદાવાદમાં કુલ 132 લોકોને દોરી વાગવાથી ઇજા
આજે વાસી ઉત્તરાયણે સાંજ સુધીમાં રાજ્યમાં દોરીના કારણે ઇજાના 115 જેટલા બનાવો બની ચૂક્યા છે, જેમાં સૌથી વધુ અમદાવાદમાં 58 લોકો દોરીથી ઈજાગ્રસ્ત થયા છે, જ્યારે 2 દિવસમાં અમદાવાદમાં કુલ 132 લોકોને દોરી વાગવાથી ઇજા (Injury due to kite string In Ahmedabad) પહોંચી છે, ત્યારે ઉત્તરાયણમાં ધાબા પરથી નીચે પડવાના 304 કેસો બન્યા છે, જ્યારે રોડ એક્સીડેન્ટના 776 કેસો સામે આવ્યા છે. હાલમાં તમામ લોકોને સારવાર માટે હોસ્પિટલમ ખસેડવામાં આવ્યા છે. ગયા વર્ષ કરતા આ વર્ષે દોરી વાગવાના, રોડ એક્સિડન્ટ, તેમજ ધાબા પરથી પડવાના કેસોમાં વધારો નોંધાયો છે.