લૉકડાઉન 4.0 છૂટછાટનો ભંગ : કન્ટેન્મેન્ટ વિસ્તારોમાં ડબલ સવારી અને રિક્ષાઓ ફરતી થઈ

રાજ્યમાં ૧૮મી મે થી લૉક ડાઉનના ચૌથા તબક્કાનો અમલ કરવામાં આવી રહ્યો છે તેમાં આપવામાં આવેલી છૂટછાટ મુદે શહેર પોલીસ કમિશનર દ્વારા બહાર પાડવામાં આવેલા જાહેરનામાનો પહેલા દિવસે જ ભંગ થતો નજરે પડે છે. કેટલાક ટુ વહીલર ડબલ સવારી અને રિક્ષાઓ ફરતી નજરે પડી હતી.

અમદાવાદ: વડાપ્રધાન મોદી દ્વારા લૉકડાઉન 4.0 કેટલીક છૂટછાટ અંગે ઈશારો આપ્યો હતો જેના ભાગરૂપે અમદાવાદના નોન-કન્ટેમેન્ટ વિસ્તારોમાં કેટલીક બાબતોની છૂટ આપવામાં આવી છે, જોકે તેનો ભંગ થતો નજરે પડે છે. શહેરના કન્ટેનમેનય વિસ્તારમાં આવતા દાણીલીમડામાં કેટલાક લોકો ટુ વહીલર પર ડબલ સવારી જ્યારે કેટલાક રિક્ષાઓ ફરતી જોવા મળી હતી. નોંધનીય છે કે શહેર પોલીસ કમિશનર દ્વારા જે જાહેરનામું બહાર પાડવામાં આવ્યું છે તેમાં રિક્ષા ચાલકોને મંજૂરી આપવામાં આવી નથી અને ટુ વ્હીલરચાલકોને સિંગલ સવારી મુસાફરી માટે જ મંજૂરી આપી છે.

કોરોનાને ડામવા માટે લગભગ બે મહિના જેટલા ત્રણ લૉકડાઉનના અમલ બાદ પહેલીવાર લૉકડાઉન 4.0માં કેટલીક છૂટ આપવામાં આવી છે તેમ છતાં આવા ભાંગ સામે પોલીસ કાર્યાવહી થઈ શકે છે. ગુજરાતમાં દરરોજ 300 જેટલા કોરોના પોઝિટિવ કેસ સામે આવી રહ્યાં છે ત્યારે લૉક ડાઉન દરમિયાન આપવામાં આવેલી છૂટનો નિયમ પ્રમાણે પાલન નહીં કરાય તો સ્થિતિ વધુ વણસી શકે છે.મે મહિનામાં કોરોના વકર્યો છે. દર 3 થી 4 દિવસમાં એક હજાર નવા કોરોના પોઝિટિવ કેસ નોંધાય છે અને તેની સામે આજ સમયગાળામાં 100 જેટલા દર્દીઓ જીવ ગુમાવી રહ્યાં છે. દેશમાં મહારાષ્ટ્ર બાદ કોરોનાથી સૌથી વધુ ભયાવહ સ્થિતિ ગુજરાતની છે.