દારૂની ભઠ્ઠી બાદ હવે પોલીસ જુગારના અડ્ડા બંધ કરાવે, અહીંના સ્થાનિકોની માંગ

રાજ્યમાંથી લઠ્ઠાકાંડ સામે આવ્યા બાદ ગ્રામ્ય પંથકથી લઈને શહેર સુધી ઘણી જગ્યાઓ પર પ્રજાએ પોલીસની (Ahmedabad police) સાથે રહીને જનતા રેડ કરી છે. અમદાવાદમાં ધમધમતી દારૂની (Amraiwadi police Station) ભઠ્ઠીઓ પર પોલીસે રીતસરની ધોંસ બોલાવી હતી. અમદાવાદમાં છાના ખૂણે ધમધમતા જુગાના અડ્ડા બંધ કરાવવા માટે અમરાઈવાડી વિસ્તારના લોકો પોલીસ સ્ટેશ પહોંચ્યા હતા.

અમદાવાદઃકથિત લઠ્ઠાકાંડ બાદ રાજ્યમાં દેશી દારૂની ભઠ્ઠીઓને લઈને પોલીસે એક્શન (Ahmedabad police) મોડમાં કામગીરી કરી છે. અમદાવાદના અમરાઈવાડી વિસ્તારના (Amraiwadi police Station) લોકોએ પોલીસ સ્ટેશન જઈને એવી માંગ કરી હતી કે, આ વિસ્તારમાં છાના ખૂણે ધમધમતા જુગારના અડ્ડા (Gambling case in ahmedabad) પર દરોડા પાડીને એને બંધ કરી દેવમાં આવે. અમરાઈવાડી વિસ્તારમાં રહેતા બહુજન સમાજના યુવાનો, આગેવાનોએ અમરાઈવાડી પોલીસ સ્ટેશનમાં PIને (Amraiwadi police Station PI) લેખીતમાં અરજી કરી હતી. જેમાં ઉલ્લેખ કર્યો હતો કે, વિસ્તારમાં છાના ખુણે ચાલતા જુગારના અડ્ડા બંધ કરાવવામાં આવે છે. આ ઉપરાંત પોલીસની શી ટીમ થકી સ્કૂલ-કૉલેજની બહાર જે આવારા તત્વો બેસે છે એની સામે પગલાં લેવામાં આવે.

આ પણ વાંચોઃ આણંદમાં વરસાદના કારણે સરકારી ચોપડે 200થી વધુ મકાનોને નુકસાન

જુગારધામ ધમધમે છેઃ અમદાવાદ શહેરના અમરાઈવાડી વિસ્તારમાં જુગારના અડ્ડા ધમધમે છે. મોટા પાયે જુગારની હાટડીઓ ચલાવવામાં આવી રહી છે. જેમાં યુવાધન ખરાબ થઈ રહ્યું છે. આ ઉપરાંત શાળા કૉલેજની બહાર કેટલાક રોમિયોના આંટાફેરા વધ્યા છે. જેને ધ્યાને લઈને અમરાઈવાડી વિસ્તારના લોકોએ પોલીસ સ્ટેશનમાં જઈને લેખીત અરજી કરી હતી. આ વિસ્તારના લોકોનું એવું કહેવું છે કે, પોલીસ આ અંગે યોગ્ય તપાસ કરીને, પેટ્રોલિંગ કરીને છુપી રીતે ચાલતા જુગારના અડ્ડાઓ બંધ કરાવે. અમરાઈવાડી વિસ્તાર છેલ્લા ઘણા વર્ષોથી જુગારને લઈને કુખ્યાત છે.

આવેદનપત્ર દેવાયુંઃસ્થાનિકોએ સાથે મળીને અમરાઈવાડી પોલીસ સ્ટેશનના પીઆઈને આવેદનપત્ર પણ આપ્યું છે. બહુજન સમાજના યુવકોનું એવું કહેવું છે કે, વિસ્તારમાં ઘણી જગ્યાએ જુગાર રમાય છે. જેમાં યુવાનો ખોટી રીતે બરબાદ થઈ જાય છે. જ્યારે સ્કૂલની આસપાસ કેટલાક અસામાજિક તત્વો જોખમ ઊભું કરે છે. જેના કારણે વિદ્યાર્થિની તથા બાળકીઓને મુશ્કેલી પડી શકે એમ છે. જેની સામે કાયદેસરના પગલાં લેવામાં આવે.

આ પણ વાંચોઃ Lumpy Virus In Valsad : વલસાડમાં લમ્પી વાયરસના લક્ષણો દેખાતા લેવાયા સેમ્પલ

અડ્ડા બંધ કરવા પ્રદર્શનઃ આ પ્રદર્શન અમરાઈવાડી વિસ્તારમાં ચાલતા દારૂ જુગારના અડ્ડાઓ બંધ કરાવવા માટે કરવામાં આવ્યું હતું. પોલીસ સ્ટેશનમાં યુવકો દ્વારા વિરોધ કરતા અમરાઈવાડી પીઆઈને આવેદનપત્ર આપવામાં આવ્યું હતું. આવેદનપત્રમાં ઉલ્લેખ કરવામાં આવ્યો હતો કે વિસ્તારમાં મોટાપાયે દારૂ જુગારના અડ્ડાઓ ચાલે છે તે બંધ કરાવવામાં આવે આના કારણે યુવાધન નશાની લતે ચઢે છે. અને ભણતરનો અભાવ ઉભો થાય છે જેથી કરી અમરાઈવળી પીઆઈને આવેદનપત્ર આપી અડ્ડાઓ બંધ કરાવીને બહુજન સમાજના યુવકો દ્વારા રજુઆત કરવામાં આવી.