શહીદોના માનમાં ભાજપે બે દિવસ સુધી તમામ રાજકીય કાર્યક્રમ મોકૂફ રાખ્યાં

ગુજરાતમાં એક તરફ આવતીકાલે રાજ્યસભાની ચૂંટણીઓ યોજાવા જઇ રહી છે. તો બીજી તરફ લદાખ સરહદે ભારત અને ચીનની સેનાઓ વચ્ચે ઘર્ષણ સર્જાયું છે.તેમાં ભારતના 20 જવાનો શહીદ થતાં સમગ્ર દેશમાં શોકની લાગણી વ્યાપી છે. ત્યારે ભાજપ દ્વારા બે દિવસ શહીદોના માનમા ગુજરાત સહિત સમગ્ર ભારતમાં કોઈ પણ રાજકીય કાર્યક્રમ ન કરવાની જાહેરાત કરાઈ છે.

અમદાવાદ: આ દુઃખદ ક્ષણે ભાજપ દ્વારા સમગ્ર દેશમાં પોતાનાં તમામ કાર્યક્રમો,વર્ચ્યુઅલ રેલીઓ વગેરે બે દિવસ માટે સ્થગિત કરવાનો નિર્ણય કર્યો છે.ગુજરાતમાં પણ પ્રદેશપ્રમુખ જીતુ વાઘાણીએ ભાજપના તમામ કાર્યક્રમો, વર્ચ્યુઅલ રેલીઓ વગેરે બે દિવસ માટે મોકૂફ રાખવાનો નિર્ણય કર્યો છે.

ભાજપ અધ્યક્ષનું ટ્વીટ

ગુજરાતમાં બે દિવસ દરમ્યાન સંસદસભ્યો ,મોર્ચાઓની વર્ચ્યુઅલ રેલીઓ, જિલ્લાના તમામ કાર્યક્રમો, વીડિયો કોન્ફરન્સ સંમેલનો બે દિવસ માટે સ્થગિત કરવામાં આવે છે. ભાજપ રાષ્ટ્રીય અધ્યક્ષ જે.પી.નડ્ડાએ ટવીટ દ્વારા જણાવ્યું હતું કે, ગલવાન ઘાટીમાં માતૃભૂમિની રક્ષા કરતાં આપણાં અમર શહીદોનાં સર્વોચ્ચ બલિદાન હમેશાં યાદ રાખવામાં આવશે. રાષ્ટ્ર હમેશાં તેમનું રુણી રહેશે. શહીદોને તેઓ હ્રદયપૂર્વકની શ્રદ્ધાંજલિ આપે છે.