અમદાવાદઃ માહિતી વિભાગના વર્ગ 1 અને 2 ની અલગ અલગ પોસ્ટની ભરતીનો (Information department recruitment 2021 ) વિવાદ હાઇકોર્ટ પહોંચ્યો હતો. હાઇકોર્ટ ડેપ્યુટી ડાયરેક્ટર વર્ગ 1 અને 2 ની ભરતી પ્રક્રિયા આગળ વધારવા ઉપર રોક (Gujarat High Court Stay on Recruitment )લગાવી છે. ભરતી ઉપર હાઈકોર્ટે સ્ટે આપ્યો છે. મહત્વનું છે કે વેઇટિંગ લિસ્ટ બનાવવા અને ફરી ઇન્ટરવ્યૂ લેવાની માગ સાથે અરજદારોએ કોર્ટમાં અરજી કરી હતી. ભરતી પ્રક્રિયામાં સમાન તકના સિદ્ધાંતોનો ભંગ થયો હોવાનું પ્રાથમિક તારણ હાઈકોર્ટે કાઢ્યું છે.
આ પણ વાંચોઃ Yuvrajsinh Jadeja On Exam Cancle: ગૃહ વિભાગના આ નિર્ણયને અમે આવકાર્યે છે
જી.એ.ડીના ઠરાવ મુજબ લિસ્ટ ન હતું
અરજદારોની રજૂઆત હતી કે જી.એ.ડીના ઠરાવ મુજબ કોઈપણ ભરતી પ્રક્રિયામાં 20% વેઇટિંગ લિસ્ટ બનાવવું અનિવાર્ય છે. તેમ છતાં માહિતી વિભાગ દ્વારા લેવાયેલી વર્ગ 1 અને 2ની પરીક્ષામાં (Information department recruitment 2021 ) વેઇટિંગ લિસ્ટ બનાવવામાં આવ્યું નથી. આ ઉપરાંત ઇન્ટરવ્યૂ 5 દિવસ સુધી ચાલતા માત્ર એક જ દિવસ 5 લોકોની પેનલ બેઠી હતી. ત્યારબાદના ઇન્ટરવ્યૂમાં 5 લોકોની પેનલ બેઠી નથી. 100 માર્કના ઇન્ટરવ્યૂમાં પેનલના દરેક સભ્યોએ માર્ક આપવાના હોય છે પરંતુ પેનલના સભ્યોની સંખ્યા ઓછી હોવાના કારણે ઉમેદવારોને અપાયેલા માર્ગમાં સમાનતા જળવાઈ નથી. હાઈકોર્ટે રાજ્ય સરકાર માહિતી વિભાગ (Gujarat High Court Stay on Recruitment )સહિતના પક્ષકારોને નોટિસ પાઠવી હતી.