Grade pay issue : વિરોધ કરનાર કોંગ્રેસના કાર્યકરો વિરુદ્ધ ફરિયાદ નોંધાઇ, ગુજરાતમાં આ રીતની પ્રથમ ફરિયાદ

પોલીસના ગ્રેડ પે મામલાની ( Grade pay issue ) આગ સમગ્ર ગુજરાતમાં લાગી છે. પોલીસના પરિવારજનો પણ હવે ગ્રેડ પેના આંદોલનમાં જોડાઈ ગયાં છે. આંદોલનને અલગ અલગ સંગઠનોનું સમર્થન પણ મળી રહ્યું છે. ત્યારે અમદાવાદમાં યુથ કોંગ્રેસ (youth congress ) દ્વારા ગ્રેડ પેની માગને લઈને વિરોધ પ્રદર્શન કરવામાં આવ્યું હતું. પરંતુ પોલીસે વિરોધ શરૂ થતાં જ યુથ કોંગ્રેસના આગેવાનો અને કાર્યકરોની અટકાયત કરી હતી.

• ગ્રેડ પે મામલે વિરોધ કરનાર યુથ કોંગ્રેસના કાર્યકરો વિરુદ્ધ ફરિયાદ
• પોલીસને સરકાર વિરુદ્ધ ભડકાવવાનો કરતા હતાં પ્રયાસ
• શાહીબાગ પોલીસે યુથ કોંગ્રેસના 7 કાર્યકરો વિરુદ્ધ નોંધ્યો ગુનો

અમદાવાદઃ શાહીબાગના વિઠ્ઠલનગર ચાર રસ્તા પાસે યુથ કોંગ્રેસના (youth congress )આગેવાનો અને કાર્યકરો ગ્રેડ પેની માૃગને ( Grade pay issue )લઈને વિરોધ કરી રહ્યાં હતાં. પરંતુ જે પોલીસ માટે વિરોધ શરૂ કર્યો હતો તે પોલીસે જ વિરોધ પ્રદર્શન લાંબુ ચાલે નહીં તે માટે યુથ કોંગ્રેસના કાર્યકરોની અટકાયત કરી હતી. સરકાર દ્વારા ગ્રેડ પેનું આંદોલન તોડવાના પ્રયાસ થઈ રહ્યાં છે.

સરકાર કાર્યવાહી કરશે તો વધુ ઉગ્ર આંદોલન

યુથ કોંગ્રેસે (youth congress ) કહ્યું હતું કે સરકાર આંદોલન કરનાર સામે કાર્યવાહી કરશે તો અમે સરકાર વિરૂદ્ધ ઉગ્ર આંદોલન કરીશું. પોલીસમાં ગ્રેડ પે વધારા ( Grade pay issue ) માટેનું ગાંધીનગરમાંથી શરૂ થયેલું આંદોલન હવે રાજ્યભરમાં પહોંચ્યું છે. અમદાવાદ, સુરત, મહેસાણા, હિંમતનગર, પાલનપુર, ઇડરમાં બુધવારે પોલીસ કર્મચારીઓના પરિવારો પણ જોડાયા હતાં.

સહી ઝુંબેશ પણ શરૂ કરાઈ

બુધવારે આ મામલે અમદાવાદના શાહીબાગ પોલીસ હેડ ક્વાર્ટર, દાણીલીમડા પોલીસલાઈન ખાતે પોલીસ પરિવારોની મહિલાઓ અને બાળકોએ થાળી-વેલણ વગાડી આંદોલનને ટેકો આપ્યો હતો. ગાંધીનગરમાં સત્યાગ્રહ છાવણી ખાતે મંડપ બાંધી પોલીસના ગ્રેડ પેની ( Grade pay issue ) માગણી શરૂ કરાઈ હતી, જેમાં પોલીસ પરિવારના લોકો જોડાયા હતાં. ઉપરાંત સહી ઝુંબેશ પણ શરૂ કરાઈ હતી. મહેસાણામાં પોલીસ પરિવારોએ રેલી કાઢી હતી.

આ પણ વાંચોઃ ગ્રેડ પે મામલે અમદાવાદના નવરંગપુરા પોલીસ સ્ટેશનના મહિલા કર્મચારીએ શરૂ કર્યું આંદોલન

આ પણ વાંચોઃ Police Grade pay નો મુદ્દો અમારા ધ્યાનમાં છે, ચર્ચા બાદ નિર્ણય લેવાશે : HM Harsh Sanghvi