ધંધુકા પોલીસે આઇસરમાંથી વિદેશી દારુનો જથ્થો પક્ડાયો

અમદાવાદ જિલ્લા ગ્રામ્ય પોલીસ વડા વિરેન્દ્રસિંહ યાદવને સુચના મળતા ધોળકા નાયબ પોલીસ અધિક્ષક રીના રાઠવાના માર્ગદર્શન હેઠળ જિલ્લામાં પ્રોહીબીશન એક્ટ અંતર્ગત ચાલતી પ્રવૃતિને ડામવા અંગત બાતમીના આધારે વોચ ગોઠવતા ધંધુકા પોલીસને સફળતા મળી છે.

• ધંધુકા પોલીસનેઆઈસરમાં વિદેશી દારૂ હોવાની બાતમી મળેલી
• ટાવરના કુલીંગ સિસ્ટમની આડમાં વિદેશી દારૂનો જથ્થો પકડાયો
• 22.60 લાખનો કુલ મુદ્દામાલ કબજે કર્યો

અમદાવાદ :ધંધુકાના PI સી.બી. ચૌહાણ, પી.એસ.આઇ ડી.એસ ઝાલા સાહિતનો સ્ટાફ પેટ્રોલિંગમાં હતો. ત્યારે મળેલી અંગત બાતમીના આધારે વોચ ગોઠવાઇ હતી. તેવા સમયે બંધ બોડીનું આઇસર નંબર MH 04-HY 7763ને ધંધુકા પોલીસની હદમાં જાહેર માર્ગ પર અટકાવીને તપાસ કરવામાં આવી હતી. આઇસરમાં ટાવરના કુલીંગ સિસ્ટમનો ઉપયોગ થાય તે મટિરીયલની આડમાં પુઠાંના બોક્સમાં ભારતીય બનાવટની વિદેશી દારૂનો જથ્થો પકડાયો હતો.

ધંધુકા પોલીસ સ્ટેશન

22.60 લાખનો કુલ મુદ્દામાલ કબજે કર્યો

વિદેશી દારુની બોટલ નંગ 2,160-કિંમત 6.48 લાખ, બિયરના 1,560 કિંમત 1.56 લાખ, આઇસરની કિંમત 5 લાખ, ટાવરનું મટીરીયલ કિંમત 9,50,074, બે મોબાઇલ કિંમત 5,500 રૂપિયા કુલ મળી 22.60 લાખનો મુદ્દામાલ કબજે લઇ કાયદેસરનીની કાર્યવાહી હાથ ધરી હતી.

આરોપીઓ વિરુદ્ધ વધુ તપાસ ચાલુ

ધંધુકા પોલીસમાં ઘનશ્યામસિંહએ ફરિયાદ નોંધાવતા પકડાયેલા આરોપી પ્રકાશભાઈ પ્રવિણભાઈ બારોટ, જ્યારે વોન્ટેડ આરોપી અર્જુનસિંહ બળદેવસિંહ, ઋષિરાજસિંહ ચુડાસમા, આઇસર ગાડીના ચાલકને વડોદરાથી આઇસર ગાડી આપનાર, તથા વિદેશી દારૂનો જથ્થો મોકલનાર સહિતનાઓ સામે પ્રોહીબીશન એક્ટ મુજબ ગુનો નોંધી આ અંગે ધંધુકા પોલીસ સ્ટેશનમાં વધુ તપાસ ચલાવી રહ્યા છે.