અમદાવાદઃ કોરોના વાયરસની મહામારીના આ સમયમાં અમદાવાદ શહેરમાં અમદાવાદ મ્યુનિસિપલ કોર્પોરેશન દ્વારા ઉમદા કાર્ય કરવામાં આવી રહ્યુ છે. કોર્પોરેશનના સફાઈ કામદારો પણ કોરોના વોરિયર્સ તરીકે મહત્વની ફરજ બજાવી રહ્યાં છે. જયાં સ્વચ્છતા ન હોય ત્યાં રોગ થવાની શક્યતા વધી જાય છે. પરંતુ હજારો સફાઈ કામદારો શહેરને સતત સ્વચ્છ રાખી રહ્યાં છે. ત્યારે તેમને પણ ચેપ લાગવાની શક્યતા વધી જાય છે.
કોરોના વોરિયર્સ સફાઈ કામદારોને નાગરિકોએ આપી મેડિકલ સ્યૂટકિટની ગિફ્ટ
કોરોના સામેના જંગમાં જ્યારે સ્વચ્છતા જાળવવાને ખૂબ જ મહત્ત્વ આપવામાં આવી રહ્યું છે ત્યારે સફાઈ કામદારોની ભૂમિકા પણ આદરપાત્ર બની રહી છે. તેઓની કદર કરતાં કેટલાક નાગરિકો દ્વારા મેડિકલ સ્યૂટ કિટની ગિફ્ટ આપવામાં આવી હતી.
કોરોના વોરિયર્સ સફાઈ કામદારોને નાગરિકોએ આપી મેડિકલ સ્યૂટકિટની ગિફ્ટ
આ વાતને ધ્યાનમાં લઈને બોડકદેવ વિસ્તારના જાગૃત નાગરિકોની સમિતિ દ્વારા ૨૦૦ જેટલી મેડિકલ સ્યૂટની કીટ સફાઈ કામદારો માટે અમદાવાદ મ્યુનિસિપલ કોર્પોરેશનના નવા પશ્ચિમ ઝોનને અર્પણ કરવામાં આવી હતી.