આ અંગે બ્રેટલીએ જણાવ્યું હતું કે, બહેરાશ ભારતમાં બીજી સૌથી મોટી સામાન્ય વિકલાંગતા છે. છતાં ઘણા લોકો એની સાથે સંબંધિત વહેલાસર નિદાન અને એની અસરના મહત્વથી સંપૂર્ણપણે વાકેફ નથી. દુનિયામાં ૪૬૬ મિલિયન લોકો આ સમસ્યાથી પીડાઈ રહ્યા છે. તે પોતે માને છે કે દરેકને શ્રવણક્ષમતા ધરાવવાનો અધિકાર છે અને આ દુનિયામાં કોઈ ચૂપચાપ રહેવાના લાયક નથી.
અમદાવાદમાં બ્રેટલીએ બી.જે. મેડિકલ કોલેજમાં કોક્લિયર અંગે જાગૃતિ આપી માતા-પિતાએ અને પરિવારના સભ્યોએ બહેરાશની નાનામાં નાની ચિહ્નોની અવગણના કરવી ન જોઈએ અને ઝડપથી કામગીરી કરવી જોઈએ. આ ચમત્કારિક અને જીવનને બદલતી ક્ષણ છે. તો સરકારની યુનિવર્સલ ન્યુ બોર્ન હિયરિંગ સ્કીનિગ ફરજિયાત બનાવવા સરકારને અપીલ કરે છે. કારણ કે તેનાથી ઘણા બાળકો અને તેમના પરિવારજનોમાં જીવનમાં પરિવર્તન આવશે.
વિશ્વ આરોગ્ય સંસ્થાના જણાવ્યાં મુજબ દુનિયામાં પાંચ ટકા લોકો અથવા ૪૬૬ મિલિયનથી વધારે લોકો સાંભળવાની ક્ષમતા ધરાવતા નથી. તેમાં 34 મિલિયન બાળકો છે. જો નિવારણ પગલાં ન લેવામાં આવે તો વર્ષ 2050 સુધીમાં 900 મિલિયનથી વધારે લોકો આ સમસ્યાથી પીડિત થશે તેમ છતાં મોટા ભાગના લોકો એની સારવારના અત્યાધુનિક વિકલ્પોથી અજાણ છે.
ગુજરાતમાં પણ બહેરાશ ધરાવતા 1.90 લાખથી વધારે લોકો છે. સરકાર તરફથી પણ આ મામલે ગંભીરતા દાખવીને કોક્લિયરનું મશીન નજીવા દરે અથવા તો વિનામૂલ્યે આપવામાં આવી રહ્યું છે. વર્ષ 2004થી કોક્લિયર આ માટે કામ કરી રહ્યું છે. કોક્લિયરનું એક મશીન અંદાજીત ૬ લાખથી પણ વધારેની કિંમત હોય છે. લોકોમાં વધુને વધુ જાગૃતિ આવે તે માટે સંસ્થા દ્વારા કાર્યક્રમો કરવામાં પણ આવી રહ્યા છે.
લોકોમાં જાગૃતિ આવે તે માટે જ આજે પૂર્વ ક્રિકેટર અને બ્રાન્ડ એમ્બેસેડર બ્રેટલીએ બી.જે. મેડિકલ કોલેજમાં હજારો વિદ્યાર્થીઓની વચ્ચે હાજરી આપી હતી અને લોકોને જાગૃત થાય તે માટેના મેસેજ પણ આપ્યા હતા. આ ઉપરાંત બ્રેટલી એક બાળક સાથે મસ્તી કરતા પણ નજરે પડ્યા હતાં.
