LRD મુદ્દે ભાજપના પ્રવક્તા ભરત પંડ્યાનું રીએક્શન

ભારતીય જનતા પાર્ટીના પ્રદેશ પ્રવક્તા ભરતભાઈ પંડયા દ્વારા જણાવવામાં આવ્યું હતું કે, કોંગ્રેસના મોવડી મંડળ દ્વારા હંમેશા નર્મદા યોજનાને રોકવાનો પ્રયાસ કર્યો છે. તેમજ તેમના જ પ્રભારી રાજીવ સાતવ, કે જેણે નર્મદા વિરોધીઓને સપોર્ટ કર્યો હતો અને કોંગ્રેસ નર્મદાનું પાણી રોકવાનો પ્રયાસ કર્યો હોય, એ જ કોંગ્રેસ ગુજરાતમાં જાતિવાદ નામે પ્રજાને ગુમરાહ કરી રહી છે. અગાઉ પણ જ્ઞાતિવાદ અને કોમવાદ અને ઉશ્કેરીને સમાજ સમાજ વચ્ચે વેરઝેરના બી રોપવાનું કામ કોંગ્રેસ કર્યું હતું.

અમદાવાદઃ ભાજપના પ્રદેશ પ્રવક્તા ભરતભાઈ પંડ્યાએ જણાવ્યું હતું કે, ગુજરાતની જનતા જાણે છે, તેમ હવે કોંગ્રેસ ભાજપ પર જૂઠા આક્ષેપો કરે છે. એક સીધીસાદી વાત છે કે દેશમાં કે વિશ્વમાં કોઇપણ સરકાર કે કોઈપણ રાજકીય પાર્ટી એવું ન ઈચ્છે કે પોતાના શાસિત રાજ્યમાં કોઈ આંદોલન થાય. કોંગ્રેસવાળા જુઠાણું ચલાવે છે, કોંગ્રેસ હમેશા કોઇપણ ઘટના માટે 2 મોઢાની વાત કરે છે.

આજે કોંગ્રેસ સમિતિ દ્વારા સંવિધાન બચાવવાની વાત કરે છે. ત્યારે સંવિધાન, ગાંધીજી અને સરદાર પટેલ આ ત્રણેયની વાતો કોંગ્રેસના મોઢેથી શોભતી જ નથી. કારણ કે, આ ત્રણેનું સતત અવમૂલ્યન અન્યાય અને અપમાન માટે કોંગ્રેસે કર્યું છે. કોંગ્રેસ કયા મોઢે સંવિધાનની વાત કરે છે, કે જે કોંગ્રેસે બંધારણમાં સુધારા કર્યા છે. જે કોંગ્રેસ 50 વાર 356નો દુરુપયોગ કરીને લોકશાહી અને લોકમતથી ચૂંટાયેલી રાજ્ય સરકારને બરખાસ્ત કરવાનું પાપ કર્યું છે. જે કોંગ્રેસને દેશમાં 635 દિવસની કટોકટી નાખીને લોકતંત્ર તેમજ મીડિયા તંત્રને બાનમાં લઇને લાખો લોકોને જેલમાં પૂરીને અત્યાચાર કર્યા હતા. તે કોંગ્રેસ કયા મોઢે સંવિધાનની બચાવવાની વાત કરે છે. કોંગ્રેસે ગાંધીજીના સત્ય અહિંસાના સંદેશને સમજતી નથી, તેનાથી ઊલટું કરે છે. કોંગ્રેસ અસત્ય બોલે છે, પ્રેમના બદલે ઝેર ફેલાવે છે, અને અહિંસાની જગ્યાએ હિંસા ફેલાવવાનું ષડયંત્ર કરે છે.

વધુમાં પ્રવક્તાએ ઉમેર્યું હતું કે, કોંગ્રેસના વિચારોએ હંમેશા વેરઝેર ફેલાવવાના દેશની એકતા અને દેશની સંસ્કૃતિને તોડનારા હોય છે. કોંગ્રેસ દ્વારા સંસદમાં 41 વર્ષ સુધી તેલ ચિત્ર મુક્યું હતું, તેમજ સ્ટેચ્યુ ઓફ યુનિટીને વિવાદિત બનાવવાના પ્રયાસ કર્યા અને ભંગાર કરીને સરદાર પટેલનું અપમાન કર્યું હતું, એ જ કોંગ્રેસ ગાંધીજી અને સરદાર પટેલની વાતો કરે છે.

કોંગ્રેસને સંવિધાન ગાંધીજી અને સરદાર પટેલની વાતો તેમના મોઢેથી શોભતી નથી, 18ના પરિપત્રને દરેક સમાજની બહેનો દીકરીઓને નોકરી સંખ્યા વધારીને દરેકને વધુ લાભ મળે તે માટેનો નિર્ણય મુખ્ય પ્રધાન વિજય રૂપાણી અને નાયબ મુખ્ય પ્રધાન નીતિન પટેલની ભાજપ સરકારે કર્યો છે તેને હું આવકારું છું. આ નિર્ણયથી દરેક સમાજના દીકરીઓને લાગણીનું પ્રતિબિંબ અને એમાં પડે છે.

એસટી એસસી એસટી અને ઓબીસી અનામત સમ્પૂર્ણ યથાવત રહેશે એટલે લોકલાગણીને કાયદાની લાગણીને સમજીને નિર્ણય કર્યો છે, તે બદલ હું સરકારના નિર્ણયને આવકાર છું. આશા-અપેક્ષા ને વિનંતી છે કે દરેક સમાજની બહેન દીકરીઓ આ પ્રકારના પ્રજાતિ અને કાયદાકીય ના સંદર્ભમાં આ વાતને સમજશે સરકારને સહકાર આપશે અને પોતાના આંદોલનને પરણાવતી કરશે તેવો અમને વિશ્વાસ છે.