હવે અમદાવાદના શાહપુરમાં કોરોના વોરિયર્સ પર હુમલો

કોરોનાની મહામારી વચ્ચે એક બાજુ લોકો ફરિશ્તા બન્યા છે તો બીજી બાજુ કેટલાક લોકો હિસંક પ્રવૃતિ કરી રહ્યાં છે. અમદાવાદના શાહપુરમાં લોકડાઉનનું પાલન કરાવતાં પોલીસ જવાનો પર હુમલો કરવામાં આવ્યો હતો.

અમદાવાદઃ અમદાવાદમાં કોરોના સંકટ દરમિયાન ખુબ જ દુઃખદ ઘટના બની છે. અમદાવાદના શાહપુરમાં લોકડાઉનનું પાલન કરાવતાં પોલીસ જવાનો પર સ્થાનિકોએ પથ્થરમારો કર્યો હતો. કોરોના વોરિયર્સ પર થયેલો આ હુમલો ખુબ જ ચિંતાજનક છે.

પોલીસે સ્થાનિકો પર કાબુ ન થતાં ટીયરગેસના સેલ પણ છોડ્યા હતા. હાલ પોલીસે કેટલાક લોકોની અટકાયત કરી છે. અમદાવાદના શાહપુરમાં લોકડાઉનનું પાલન કરાવી રહેલી પોલીસની ટીમ પર સ્થાનિકોએ પથ્થરમારો કર્યો હતો. આ ઘટના એટલી બધી વણસી ગઈ કે પોલીસે ટીયર ગેસના સેલ છોડ્યા હતા.

આ ઉપરાંત હાલમાં પોલીસના ઉચ્ચ અધિકારીઓ ઘટના સ્થળે પહોંચ્યા છે. આ ઉપરાંત શાહપુરમાં હાલમાં RAFની ટીમ અને મોટો પોલીસ કાફલો ઉતારી દેવાયો છે. પોતાની અને પરિવારની ચિંતા કર્યા વગર દિવસ રાત ડ્યુટી કરી રહેલાં કોરોના વોરિયર્સ પોલીસ પર આ પ્રકારના હુમલા ખુબ જ નિંદનીય છે. પોલીસના જવાનો દ્વારા આપણી સારી હેલ્થ રહે અને આપણે કોરોનાના સંક્રમણથી બચીએ એ માટે લોકડાઉનનો પાલન કરાવાઈ રહ્યો છે. હાલમાં શાહપુરમાં પોલીસની 50થી વધુ ગાડીઓ અને મોટી પોલીસ ફોજ ઉતારાય છે. પોલીસ જવાનોએ અમુક હુમલાખોરોની અટકાયત કરી છે.