ઠંડીમાં વધારો થતાં અમદાવાદ મણીનગર કુમકુમ મંદિરમાં ભગવાનને ગરમ વસ્ત્રો ધારણ કરાવ્યાં

અમદાવાદમાં મણીનગરમાં આવેલા કુમકુમ મંદિર ખાતે શિયાળામાં ઠંડીથી ભગવાનને રક્ષણ મળે તે માટે હીટર મૂકવામાં આવ્યા છે. તેમજ ભગવાનને ગરમ વસ્ત્રો પણ ધારણ કરવામાં આવ્યા છે.

મંદિરમાં ભગવાનને ઠંડીથી રક્ષણ મળે તે માટે હીટર મુકાયા
ભગવાનને શાલ પણ ઓઢાડવામાં આવી
કુમકુમ મંદિર ખાતે કરાઈ ખાસ વ્યવસ્થા


અમદાવાદઃ શિયાળાની ઋતુમાં ઠંડીમાં વધારો થતાં ભગવાનને પણ ઠંડી સામે રક્ષણ મળી રહે તેવા હેતુ અને ભક્તિ ભાવથી અમદાવાદના મણીનગરમાં આવેલા કુમકુમ સ્વામિનારાયણ મંદિરમાં ભગવાન માટે હીટર મૂકવામાં આવ્યા છે.

ઋતુ પ્રમાણે ભગવાનની સેવાકુમકુમ મંદિરના સાધુ પ્રેમવત્સલદાસજીએ જણાવ્યું હતું કે સ્વામિનારાયણ ભગવાને સ્વયં પ્રથમ પ્રકરણના 68 માં વચનામૃત પ્રમાણે ભગવાનની ઋતુ પ્રમાણે સેવા કરવી જોઈએ જેના કારણે અમે પણ મંદિરમાં ભગવાનને સેવા અર્ચના કરી રહ્યા છીએ.

મહત્વનું છે કે શાસ્ત્રોમાં અષ્ટ પ્રકારની મૂર્તિ પ્રમાણ કરેલી છે. જેથી જે સેવા કરીએ તે સાક્ષાત્‌ ભગવાન અંગીકાર કરે છે. તે જ કારણથી શિયાળામાં ભગવાનની પાસે હીટર મૂકવામાં આવે છે તો ઉનાળામાં ગરમી દરમિયાન એરકન્ડીશન પણ મૂકવામાં આવે છે.