ગુજરાત ATSની વધુ એક સફળતા, ઘાતક હથિયાર સાથે 13 આરોપીની કરી ધરપકડ

ગુજરાત ATSએ હથિયાર સાથે પકડેલા 9 આરોપીઓની ધરપકડ બાદ પૂછપરછમાં નવા ખુલાસા સામે આવ્યાં છે. આરોપીઓ પાસેથી કબજે લેવાયેલા મોટાભાગના હથિયાર વિદેશી હોવાનું સામે આવ્યું હતું. આ કેસમાં ગુજરાત ATSને મોટી સફળતા હાથ લાગી છે, ATSએ 50થી વધુ ઘાતક હથિયાર કબજે કર્યા છે. નેપાળથી થઈને હથિયારની ગેરકાયદે ઘૂસણખોરી થઈ રહી હોવાનું જાણવા મળ્યું છે.

અમદાવાદઃ નોંધનીય છે કે છેલ્લાં 9 દિવસથી ATSની ટીમોએ અમદાવાદ સહિત કચ્છ, મોરબી, ભાવનગર અને અમરેલી સહિતનાં વિવિધ સ્થળોએ દરોડા પાડ્યાં હતાં. જેમાં અત્યાર સુધીમાં કુલ 50 જેટલા ગેરકાયદે ભારતીય અને વિદેશી બનાવટના હથિયારો જપ્ત કરવામાં આવ્યાં છે.

અમદાવાદના ઇસ્કોન ચાર રસ્તા પાસેથી મુસ્તાક ગુલ મોહમ્મદ બલોચ (ઉં. વ. 42, વાંકાનેર) ને લોડેડ રિવૉલ્વર તથા ચાર કારતૂસો સાથે તેમ જ વાહીદખાન અશરફખાન પઠાણ (ઉં. વ. 33, ગામ કોઠ ગાંગડ, બાવળા) ને એક પિસ્તોલ તથા ચાર જીવતા કારતૂસ સાથે ATSની ટીમે પકડી પાડ્યાં હતાં.ઉલ્લેખનીય છે કે આ અગાઉ પણ ગુજરાત ATSએ તેના ઇતિહાસનું સૌથી મોટું ઓપરેશન હાથ ધરી અનેક શહેરોમાંથી 50 જેટલા વિદેશી હથિયારો ઝડપી પાડ્યાં હતાં. ગુજરાત ATSએ કચ્છ, મોરબી,અમરેલી, વાંકાનેર, અમદાવાદ, ભાવનગર જિલ્લા સહિતની જગ્યાઓ પર સર્ચ ઓપરેશન હાથ ધરી 50થી વધુ વિદેશી હથિયારો કબજે કર્યા હતાં. આ ઘટનામાં 13 આરોપીઓની ગુજરાત ATS દ્વારા ધરપકડ કરવામાં આવી હતી.

ગુજરાત ATSને આ વધુ એક સફળતા હાંસલ થઇ છે. ATSની ટીમે રાજ્યમાં ચાલી રહેલ ગેરકાયદે હથિયારોની હેરાફેરીને લઇને પર્દાફાશ કર્યો છે. જેમાં ATSની ટીમે 50 હથિયારો સાથે 13 આરોપીઓની ધરપકડ કરી છે. રાજ્યનાં કચ્છ, સુરેન્દ્રનગર અને મોરબી સહિતનાં શહેરોમાં દરોડા પાડીને આ હથિયારોને જપ્ત કર્યા છે. આ મામલે અમદાવાદમાં ગનની ગેરકાયદે ડીલ કરતા ગન હાઉસના માલિક તરુણ ગુપ્તાની ધરપકડ કરીને તેની પૂછપરછ કરી હતી. આ અગાઉ પણ ગત અઠવાડિયે જ ગુજરાતનાં અલગઅલગ જિલ્લાઓમાં દરોડા પાડીને ATSએ 54 વધુ હથિયારોને જપ્ત કરી 9 આરોપીની ધરપકડ કરી હતી.

ત્યારે એવામાં ગુજરાત ATSએ તાજેતરમાં ફરી અમદાવાદ સહિત રાજ્યના પાંચ જિલ્લાઓમાં ગેરકાયદે હથિયારો રાખવાનાં નેટવર્કનો પર્દાફાશ કરી 50 ગેરકાયદે વિદેશી અને ભારતીય બનાવટના હથિયારો, કારતૂસ સાથે 13 આરોપીઓની ધરપકડ કરી છે.