અમદાવાદ: કેન્દ્રીય ગૃહપ્રધાન અમિત શાહ દર વર્ષની જેમ આ વર્ષે ઉત્તરાયણે અમદાવાદમાં (Amit Shah In Ahmedabad) છે. તેમણે પરિવાર સાથે પૂજા કરી હતી. કેન્દ્રીય ગૃહ પ્રધાન અમિત શાહના નજીકના સંબંધીનું થોડા સમય અગાઉ નિધન થવાથી તેઓ આ વર્ષે ઉત્તરાયણ ઉજવાવાના નથી. જો કે તેમણે જગન્નાથ મંદિરમાં પૂજા કરી હતી. મુખ્યપ્રધાન ભુપેન્દ્ર પટેલ પણ સવારે જગન્નાથ મંદિર આવ્યા હતા. તેમણે મંદિરમાં આરતી-પૂજન કર્યું હતું. તેના 2 કલાક બાદ કેન્દ્રીય ગૃહ પ્રધાન પણ જગન્નાથ મંદિર (Amit Shah At Jagannath Temple) પહોંચ્યા હતા. અમિત શાહે જગન્નાથનું પૂજન અને ગૌ પૂજન કર્યું હતું.
આવતીકાલે જઇ શકે રાજ્યપાલની મુલાકાતે
કેન્દ્રીય ગૃહ પ્રધાન આવતીકાલે પણ અમદાવાદમાં છે. તેઓ આવતીકાલે રાજ્યપાલ આચાર્ય દેવવ્રત (Amit shah meeting with governor of Gujarat)ની શુભેચ્છા મુલાકાતે જઈ શકે છે. આવનારી વિધાનસભાની ચૂંટણીઓ(Gujarat assembly election 2022)ને લઇને ગુજરાતના અગ્રણી નેતૃત્વ સાથે પણ બેઠક કરી શકે છે.