અમદાવાદઃ શહેરની કામા હોટલની પાછળ રિવરફ્રન્ટ પર આવેલી મેટ્રો પ્રોજેક્ટની સાઇટ પર AMC મધ્ય ઝોન હેલ્થ વિભાગની ટીમે તપાસ કરી હતી. તપાસ દરમિયાન મોટી સંખ્યામાં મચ્છરનું બ્રિડિંગ મળી આવ્યું હતું. જે બાદમાં તંત્ર તરફથી સાઇટને જ સીલ કરી દેવામાં આવી હતી. જો કે, 19 જેટલી મેટ્રો સાઈટ ચેક કરી મચ્છરના બ્રિડિંગ મળતા 18 સાઈટને નોટિસ અને 2 સાઈટ સીલ કરી 2,60,000નો વહીવટી ચાર્જ વસુલવામાં આવ્યો.
મચ્છરના બ્રિડિંગ મળતા AMCએ 18 સાઈટને નોટિસ અને 2 સાઈટ સીલ કરી - મ્યુનિસિપલ કોર્પોરેશન
અમદાવાદ મ્યુનિસિપલ કોર્પોરેશનની આરોગ્ય વિભાગની ટીમ દરરોજ અલગ અલગ જગ્યાએ મચ્છરોના ઉત્પત્તિને લઈ ચેકીંગ કરી રહી છે. તેમાં શહેરમાં મચ્છરજન્ય રોગચાળો નાથવા માટે મ્યુનિસિપલ કોર્પોરેશનના આરોગ્ય વિભાગે હાથ ધરેલા અભિયાન હેઠળ સોમવારે મ્યુનિસિપલ કોર્પોરેશનના હેલ્થ વિભાગની ટીમે અનેક જગ્યાએ તપાસ હાથ ધરતા મચ્છરના બ્રીડિંગ મળ્યા છે. જેમાં આજે શાહપુરના કામા હોટલ પાછળ રીવરફ્રન્ટ પર આવેલી મેટ્રો સાઇટ પર મોટા પ્રમાણમાં મચ્છરના બ્રિડિંગ મળી આવતા સાઈટને સીલ કરી દેવામાં આવી છે.
મચ્છરના બ્રિડિંગ મળતા AMCએ 18 સાઈટને નોટિસ અને 2 સાઈટ સીલ કરી
અમદાવાદ મ્યુનિ. આરોગ્ય વિભાગ દ્વારા મચ્છરોના ઉપદ્રવ સામે હાથ ધરાયેલી ઝુંબેશ હેઠળ સૌથી વધુ દંડ અને નોટિસ પશ્ચિમ ઝોન અને દક્ષિણ ઝોનમાં ફટકારવામાં આવ્યો છે. ચેક કરેલ યુનિટ્સમાં સાઇટોમાં લીફ્ટના ખાડાઓમાં, સ્ક્રેપ મટીરીયલ્સમાં, ખુલ્લી ટાંકી, ભોંયરામાં, કંપાઉડમાં પડેલ બકૅટ, પક્ષીચાટ, ભંગાર વગેરે જગ્યા પર ચેકીંગ હાથ ધરાયું હતું. એ.એમ.સી દ્વારા મચ્છરનો ઉપદ્રવ અટકાવા માટે ફોગીંગ, જંતુનાશક દવાના છંટકાવની કામગીરી, મચ્છરના પોરા ચેકીંગ અને નાશ કરવાની કામીગરી પણ કરવામાં આવી રહી છે.