અમદાવાદઃ શહેરના નિકોલ વિસ્તારમાં નવા બનતા ફાયર સ્ટેશન સાઈટ પર મચ્છરના બ્રિડિંગ મળી આવતા સાઈટને સીલ કરી દેવામાં આવી છે. જ્યારે ગોતામાં સાપુરજી પલોનજી કનસ્ટ્રક્શન સાઈટની ઓફિસને સીલ મારી દેવામાં આવી હતી. જ્યારે અનેક સાઇટોને 1000થી લઈ 50,000 સુધીનો દંડ ફટકારવામાં આવ્યો છે. બુધવારના રોજ સાતેય ઝોનમાં આવેલી 391 જેટલી કન્સ્ટ્રક્શન સાઈટ પર ચેકિંગ કર્યું હતું. જેમાં 172 સાઈટને નોટિસ આપવામાં આવી છે અને કુલ રૂ 6.35 લાખનો દંડ વસુલ્યો છે.
AMCએ મચ્છરના બ્રિડિંગ મળતા 172 કનસ્ટ્રક્શન સાઈટોની નોટિસ આપી, 6.35 લાખનો દંડ વસૂલ્યો - AMC issued notices to 172 construction sites for mosquito breeding
અમદાવાદ મ્યુનિસિપલ કોર્પોરેશનની આરોગ્ય વિભાગની ટીમ દરરોજ અલગ અલગ જગ્યાએ મચ્છરોના ઉત્પત્તિને લઈ ચેકીંગ કરી રહી છે. તેમાં શહેરમાં મચ્છરજન્ય રોગચાળો નાથવા માટે મ્યુનિસિપલ કોર્પોરેશનના આરોગ્ય વિભાગે હાથ ધરેલા અભિયાન હેઠળ મ્યુનિસિપલ કોર્પોરેશનના હેલ્થ વિભાગની ટીમે અનેક જગ્યાએ તપાસ હાથ ધરતા મચ્છરના બ્રીડિંગ મળ્યા છે. મંગળવારે હોસ્પિટલોમાં ચેકિંગ બાદ બુધવારે શહેરની અલગ અલગ કન્સ્ટ્રકશન સાઈટ પર ચેકિંગ કર્યું હતું.
AMCએ મચ્છરના બ્રિડિંગ મળતા 172 કનસ્ટ્રક્શન સાઈટોની નોટિસ આપી, 6.35 લાખનો દંડ વસૂલ્યો
અમદાવાદ મ્યુનિ. આરોગ્ય વિભાગ દ્વારા મચ્છરોના ઉપદ્રવ સામે હાથ ધરાયેલી ઝુંબેશ હેઠળ મંગળવારે અલગ અલગ વિસ્તારમાં આવેલી હોસ્પિટલમાં ચેકિંગ કર્યું હતું. જેમાં સાતેય ઝોનમાં આવેલી 409 હોસ્પિટલમાં ચેકિંગ કરી 205 હોસ્પિટલને નોટિસ આપવામાં આવી છે. ચેક કરેલ યુનિટ્સમાં સાઇટોમાં લીફ્ટના ખાડાઓમાં, સ્ક્રેપ મટીરીયલ્સમાં, ખુલ્લી ટાંકી, ભોંયરામાં, કંપાઉડમાં પડેલ બકૅટ, પક્ષીચાટ, ભંગાર વગેરે જગ્યા પર ચેકીંગ હાથ ધરાયું હતું. એ.એમ.સી દ્વારા મચ્છરનો ઉપદ્રવ અટકાવા માટે ફોગીંગ, જંતુનાશક દવાના છંટકાવની કામગીરી, મચ્છરના પોરા ચેકીંગ અને નાશ કરવાની કામીગરી પણ કરવામાં આવી રહી છે.