અમદાવાદ સિવિલ મેડિસિટી કેમ્પસમાં આવેલી IKDRC કિડની ટ્રાન્સપ્લાન્ટમાં દેશમાં અવ્વલ

અમદાવાદ સિવિલ કેમ્પસ (ahmedabad civil campus)માં આવેલા ઇન્સ્ટિટ્યુટ ઓફ કિડની ડીસીઝ એન્ડ રિસર્ચ સેન્ટર (institute of kidney disease and research center)ને બાળકોની કિડની સફળતાપૂર્વક ટ્રાન્સપ્લાન્ટ (kidney transplant) કરવામાં સતત સફળતા મળી રહી છે. છેલ્લા 10 મહિનામાં ઇન્સ્ટિટ્યુટ ઓફ કિડની ડિસીઝ એન્ડ રિસર્ચ સેન્ટર દ્વારા 26 બાળકોનું કિડની ટ્રાન્સપ્લાન્ટ કરવામાં આવ્યું છે.

• બાળકોની કિડની ટ્રાન્સપ્લાન્ટ કરવામાં સતત સફળતા
• છેલ્લા 2 મહિનામાં 9 બાળકોનું કિડની ટ્રાન્સપ્લાન્ટ
• છેલ્લા 10 મહિનામાં 26 બાળકોનું કિડની ટ્રાન્સપ્લાન્ટ કરાયું

અમદાવાદ: ગુજરાત રાજ્યમાં કિડનીની સમસ્યાથી પીડિતા બાળકોમાં કિડની ટ્રાન્સપ્લાન્ટ (kidney transplant) મામલે અમદાવાદ સિવિલ કેમ્પસ (ahmedabad civil campus)માં આવેલી કિડની હૉસ્પિટલે દેશભરમાં અવ્વલ સ્થાન પ્રાપ્ત કર્યું છે. છેલ્લા 10 મહિનામાં ઇન્સ્ટિટ્યુટ ઓફ કિડની ડિસીઝ એન્ડ રિસર્ચ સેન્ટર (institute of kidney disease and research center) દ્વારા 26 બાળકોનું કિડની ટ્રાન્સપ્લાન્ટ કરવામાં આવ્યું છે. છેલ્લા માત્ર 2 મહિનામાં 9 બાળકોનું કિડની ટ્રાન્સપ્લાન્ટ કરવામાં IKDRCસફળ રહ્યું છે.

સતત સફળ કિડની ટ્રાન્સપ્લાન્ટ

રાજ્યભરમાં કિડની માટે જાણીતી અમદાવાદ સિવિલ કેમ્પસમાં આવેલું ઇન્સ્ટિટ્યુટ ઓફ કિડની ડિસીઝ એન્ડ રિસર્ચ સેન્ટરને બાળકોની કિડની સફળતાપૂર્વક ટ્રાન્સપ્લાન્ટ કરવામાં સતત સફળતા મળી રહી છે. કિડની હોસ્પિટલ (kidney hospital)માં દર વર્ષે બાળકોના કિડનીના ટ્રાન્સપ્લાન્ટના કેસોની વાત કરીએ તો દેશભરની જાણીતી હોસ્પિટલ કરતા 3 ઘણા વધુ કિડની ટ્રાન્સપ્લાન્ટ માત્ર અમદાવાદ સ્થિત કિડની હોસ્પિટલમાં થઈ રહ્યા છે.

IKDRC કિડની ટ્રાન્સપ્લાન્ટમાં અવ્વલ

દેશની જાણીતી દિલ્હી એઈમ્સ (delhi aiims)માં વર્ષે 7થી 8, જ્યારે બેંગ્લોરમાં આવેલી સેન્ટ જોન્સ (bangalore saint johns)માં વર્ષે 6થી 7 બાળકોનું કિડની ટ્રાન્સપ્લાન્ટ કરવામાં સફળતા મળી છે. ત્યારે અમદાવાદની આ કિડની હોસ્પિટલ 3 ઘણી કિડની ટ્રાન્સપ્લાન્ટ કરી રહી છે. કિડની ટ્રાન્સપ્લાન્ટ કરાયું હોય એવા બાળકોના વાલીઓ તેમને કિડની હોસ્પિટલ તરફથી મળી રહેલી સુવિધાને લઇને સંતોષ પણ વ્યક્ત કરી રહ્યા છે. ઉલ્લેખનીય છે કે લાખોના ખર્ચે થતું કિડની ટ્રાન્સપ્લાન્ટ અહી વિનામૂલ્યે થાય છે.

SOTTO દ્વારા અંગદાનની જાગૃતિ વધતા અંગદાનનું પ્રમાણ વધ્યું

અમદાવાદ સિવિલ હૉસ્પિટલ, સુરત, રાજકોટ, વડોદરામાં ધીરે ધીરે અંગદાન અંગે જાગૃતતા વધતા હવે અંગદાન કરનારાઓની સંખ્યામાં વધારો થયો છે, જેથી લાંબા સમયથી કિડની ટ્રાન્સપ્લાન્ટની રાહ જોઈ રહેલા લોકોના ટ્રાન્સપ્લાન્ટ ઝડપી બન્યા છે. SOTTO અંતર્ગત બ્રેઈનડેડ દર્દીઓના સગાને અંગદાન અંગે સમજાવવામાં આવી રહ્યા છે અને અનેક પરિવારોની સંમતી મળતા અંગદાન વધતા જેમને કિડનીની જરૂર છે એવા બાળકોને ઝડપથી કિડની મળી રહી છે. બાળકો કિડનીની સમસ્યામાંથી મુક્ત થઈ સામાન્ય જીવન તરફ આગળ વધી રહ્યા છે. તેમના જીવનમાં ખુશીઓ પરત ફરી રહી છે.

છેલ્લા 2 મહિનામાં જ 9 બાળકોનું ટ્રાન્સપ્લાન્ટ

IKDRC હૉસ્પિટલમાં 26 ટ્રાન્સપ્લાન્ટ કરવામાં આવ્યા છે. બાળકોની વાત કરીએ તો અંદાજે 30 જેટલા બાળકો કિડની ટ્રાન્સપ્લાન્ટ માટે વેઈટિંગમાં છે. કિડનીની સમસ્યા હોય એવા બાળકને તેના માતા-પિતા, દાદા-દાદી, નાના-નાની કિડની આપી શકતા હોય છે. પરિવારમાંથી જ બાળકને કિડની મળી રહે તો ઝડપથી કિડની ટ્રાન્સપ્લાન્ટ શક્ય બને છે, પરંતુ જો પરિવારમાંથી કિડની ન મળી શકે તો અંગદાન થકી કિડની મળે અને વેઇટિંગ લિસ્ટમાં વારો આવે ત્યાં સુધી રાહ જોવી પડે છે. દેશમાં કિડની ટ્રાન્સપ્લાન્ટ સાથે સંકળાયેલી સંસ્થાઓમાં કિડની હૉસ્પિટલ દ્વારા પ્રશંસનીય કામગીરી થતી જોવા મળી રહી છે.

આ પણ વાંચો: ગુજરાતમાં કોરોનાના કપ્પા અને ડેલ્ટા વેરિયન્ટની એન્ટ્રી, 5 સેમ્પલ પોઝિટિવ આવ્યા

આ પણ વાંચો: Vibrant Gujarat 2022 : સરકારે તૈયારીઓ શરૂ કરી, દેશના અનેક શહેરમાં થશે રોડ શો