અમદાવાદઃ SG હાઈ-વે પર પોલીસે લોકોને ટ્રાફિક અંગે જાગૃત કરી માર્ગ સલામતી સપ્તાહ ઉજવ્યો

અમદાવાદના એસ. જી. હાઈવે ખાતે માર્ગ સલામતી સપ્તાહની ઉજવણીના ભાગરૂપે ટ્રાફિક પોલીસના કર્મચારીઓ બેનર્સ, પોસ્ટર્સ, પ્લે કાર્ડ સાથે ઊભા રહ્યા હતા. ટ્રાફિકના જવાનો વાહનચાલકોને ટ્રાફિક નિયમન, સુરક્ષા, સાવચેતીની પણ સમજણ આપતા હતા.

• એસ. જી. હાઈવે પર ટ્રાફિક જવાનોએ ટ્રાફિક સપ્તાહની કરી ઉજવણી
• માર્ગ સલામતી સપ્તાહના બેનર્સ અને પોસ્ટર્સ સાથે જોવા મળી ટ્રાફિક પોલીસ
• ટ્રાફિક નિયમન માટે પૂરતો સ્ટાફ અને સ્વયં શિસ્તની જરૂરઃ ટ્રાફિક પોલીસ

અમદાવાદઃ SG હાઈ-વે પર પોલીસે લોકોને ટ્રાફિક અંગે જાગૃત કરી માર્ગ સલામતી સપ્તાહ ઊજવ્યો

અમદાવાદઃ શહેરના એસ. જી. હાઈવે પર આવેલા પકવાન ચાર રસ્તા પાસે ટ્રાફિક પોલીસના કર્મચારીઓ, ટીઆરબી, હોમગાર્ડઝના જવાનો માર્ગ સલામતી સપ્તાહની ઉજવણીના ભાગરૂપે ઠેર ઠેર ઊભેલા જોવા મળ્યા હતા.

વાહનચાલકોએ ટ્રાફિકના નિયમોનું પાલન કરવાની જરૂર

હાઈવે પર ઊભેલા ટ્રાફિક શાખા સાથે સંકળાયેલા કર્મચારીઓ હાથમાં ટ્રાફિકના નિયમોનું પાલન કરો, સલામત રહો, નશો કરી વાહન ન ચલાવો, સીટ બેલ્ટ અવશ્ય પહેરો, હેલમેટ અવશ્ય પહેરો જેવા પ્લે કાર્ડ, બેનર્સ, પોસ્ટર્સ સાથે ઊભા રહ્યા હતા. ટ્રાફિક પોલીસના કર્મચારી મહેશ મુંધવાએ કહ્યું હતું કે, અમે વાહનચાલકોને વાહન ધીરે ચલાવવા તેમ જ ટ્રાફિકના નિયમોનું પાલન કરવાનું કહીએ. હેલમેટ અને સીટ બેલ્ટના ફાયદા પણ જણાવીએ છીએ.

અમદાવાદઃ SG હાઈ-વે પર પોલીસે લોકોને ટ્રાફિક અંગે જાગૃત કરી માર્ગ સલામતી સપ્તાહ ઊજવ્યો

વસ્તી અને વાહનો વધતા ટ્રાફિક ની સમસ્યા વિકરાળ

શહેરમાં સતત વધતી જતી વસ્તી અને વાહનોના કારણે ટ્રાફિકની સમસ્યા વિકરાળ બનતી જાય છે. પૂર્વ અને પશ્ચિમ વિસ્તારમાં ટ્રાફિકના યોગ્ય નિયમન માટે રસ્તા પહોળા થઈ રહ્યા છે. ફ્લાયઓવર અને અન્ડરપાસ પણ મોટા પ્રમાણમાં બની રહ્યા છે. શહેરમાં સારા માર્ગોની સાથે મોટી સંખ્યામાં ટ્રેઈની ટ્રાફિક સ્ટાફ અને વાહન ચાલકોની સ્વયં શિસ્ત ખૂબ જ જરૂરી છે.

ટ્રાફિકના નિયમોનું પાલન થાય તો અકસ્માત ઘટે

ટ્રાફિકના નિયમો, કાયદાનું યોગ્ય પાલન થાય તો જ અકસ્માતો ઘટે અને માર્ગ સલામતી સપ્તાહ ની ઉજવણી સાર્થક થઈ કહેવાય....!

અમદાવાદઃ SG હાઈ-વે પર પોલીસે લોકોને ટ્રાફિક અંગે જાગૃત કરી માર્ગ સલામતી સપ્તાહ ઊજવ્યો