Ahmedabad Municipal Corporationએ BU પરમિશન અને ફાયર સેફ્ટી ન ધરાવતા 169 એકમો સીલ કર્યા - સરદાર પટેલ પ્રાઇમરી સ્કૂલ

ગુજરાત હાઈકોર્ટની ઝાટકણી બાદ અમદાવાદ મહાનગરપાલિકાએ એવા એકમો કે જેમની પાસે ફાયર સેફ્ટી અને BU પરમિશન ( Building Use permission ) ન હોય તેવા એકમોને સીલ કરવાની કામગીરી હાથ ધરી છે. છેલ્લા કેટલાક દિવસથી સતત ચાલી રહેલી કામગીરી દરમિયાન રવિવારના રોજ પણ અઅમદાવાદ મ્યુનિસિપલ કોર્પોરેશન ( Ahmedabad Municipal Corporation) દ્વારા 169 એકમોને સીલ કરવામાં આવ્યા હતો. શનિવારના રોજ હાથ ધરવામાં આવેલી કામગીરી દરમિયાન વિરાટનગરની સરદાર પટેલ પ્રાઇમરી સ્કૂલ અને સહયોગ હાઇસ્કૂલને પણ સીલ કરવામાં આવી હતી.

Ahmedabad Municipal Corporation

Published : Jun 6, 2021, 4:06 PM IST

ફાયર સેફ્ટી અનેBUપરમિશન ના ધરાવતા એકમો સામે તવાઇ
આજે કુલ 169 એકમોને કરાયા સીલ
ત્રણ શાળા, એક હોટેલ અને, રેસ્ટોરેન્ટ તેમજ કોમર્શિયલ એકમને કરાઈ સીલ
અત્યાર સુધી ફુલ 2245 યુનિટ સીલ કરાયા

અમદાવાદ : AMCના એસ્ટેટ વિભાગ દ્વારા 31 મે થી સતત ફાયર સેફ્ટી અને BU પરમિશન ( Building Use permission ) ન હોય તેવા એકમો સામે તપાસ કરીને કડક પગલાં લેવામાં આવી રહ્યા છે. જેમાં આજ દિન સુધી 2,245 યુનિટને સીલ કરવામાં આવ્યા છે. મહત્વનું છે કે, સૌથી વધુ 104 યુનિટ દક્ષિણ ઝોનમાં સીલ કરવામાં આવ્યા છે. અત્યાર સુધી 1140 દુકાન ઓફિસ અને ક્લાસિસ 523 હોટેલના રૂમ 67 રેસ્ટોરન્ટ યુનિટ 33 સ્કૂલ અને 1 ઇન્ડસ્ટ્રીયલ યુનિટ સીલ કરવામાં આવી છે.

શનિવારના રોજ કયા એકમોને સીલ કરવામાં આવ્યા?

અમદાવાદ મ્યુનિસિપલ કોર્પોરેશન ( Ahmedabad Municipal Corporation) દ્વારા 5 જૂનના રોજ ત્રણ શાળાઓ જેમાં ચાંદલોડિયાની તિરૂપતિ વિદ્યાલય વિરાટનગરમાં આવેલી સરદાર પટેલ પ્રાઇમરિ સ્કૂલ અને સહયોગ હાઇસ્કુલ BU પરમિશન ( Building Use permission ) ન હોવાના કારણે સીલ કરવામાં આવી હતી. આ ઉપરાંત પીપળા રોડ પાસે આવેલી હોટેલ શક્તિ અને ચાંદખેડા વિસ્તારમાં આવેલી શિવ શક્તિ ધાબાને પણ સીલ કરવામાં આવી હતી. ઇસનપુર ખાતે આવેલા જલપરી કોમ્પ્લેક્સને પણ સીલ કરવામાં આવ્યું હતું.

આ પણ વાંચો -