Ahmedabad DPS: દિલ્હી પબ્લિક સ્કૂલને માન્યતા ન આપવાના શિક્ષણ વિભાગના આદેશને હાઈકોર્ટે કર્યો રદ્દ

અમદાવાદ હાથીજણ વિસ્તારમાં આવેલી દિલ્હી પબ્લિક સ્કૂલની (Delhi Public School) માન્યતાને લઈ મોટા સમાચાર સામે આવ્યા છે. સ્કૂલને માન્યતા ન આપવાના શિક્ષણ વિભાગના (Department of Education) આદેશને હાઈકોર્ટે રદ્દ કર્યો છે. ગુજરાત હાઇકોર્ટમાં (Gujarat High Court) કેલોરેક્સ ફાઉન્ડેશન DPS સ્કૂલની માન્યતા ન આપવાના શિક્ષણ વિભાગના આદેશને પડકારવામાં આવ્યો હતો જે મુદ્દે કોર્ટમાં સુનાવણી હાથ ધરાતા કોર્ટે સ્કૂલની તરફેણમાં આદેશ આપ્યો હતો.

• વિવાદિત નિત્યાનંદ આશ્રમના કેસ બાદ શાળા બંધ કરાઇ હતી
• હાઇકોર્ટના આદેશ બાદ ધોરણ 1થી 8ના નવેસરથી વર્ગ શરૂ થશે
• શિક્ષણ વિભાગે સ્કૂલ સામે કરેલો એક લાખ રૂપિયાનો દંડ પણ હાઇકોર્ટે રદ્દ કર્યો

અમદાવાદ:હાથીજણ વિસ્તારમાં આવેલી દિલ્હી પબ્લિ સ્કુલ (Delhi Public School) નિત્યાનંદ સ્વામીના આશ્રમના કારણે કેટલા સમયથી વિવાદમાં ઘેરાયેલી હતી. વિવાદ બાદ સ્કૂલની માન્યતા શિક્ષણ વિભાગ (Department of Education) દ્વારા રદ્દ કરવામાં આવી હતી. આ સામે DPS સંચાલકોએ નવેસરથી સ્કૂલ શરૂ કરવા શિક્ષણ વિભાગમાં અરજી કરી હતી જેને ફગાવી દેવાતા સંચાલકોએહાઈકોર્ટમાં અરજી કરવાની ફરજ પડી હતી. હવે હાઇકોર્ટના આદેશ બાદ ધોરણ 1થી 8ના નવેસરથી વર્ગ શરૂ થઈ શકશે.

કોર્ટે શું નોંધ્યુ?

હાઈકોર્ટમાં સુનાવણી હાથ ધરાતા કોર્ટે નોંધ્યું હતું કે, ધોરણ 1થી 8ના વર્ગો શરૂ કરવા હાથ ધરાયેલી પ્રક્રિયા કાયદા પ્રમાણે જ કરવામાં આવી છે. તેથી જિલ્લા પ્રાથમિક શિક્ષણ અધિકારીને (Primary Education Officer) બે સપ્તાહમાં પરવાનગી બાબતે કાર્યવાહી કરવા હાઇકોર્ટે હુકમ કર્યો હતો. આ સાથે અગાઉ શિક્ષણ વિભાગે સ્કૂલ સામે કરેલો એક લાખ રૂપિયાનો દંડ પણ હાઇકોર્ટે રદ કર્યો હતો.

શું હતો સમગ્ર મામલો?

વિવાદિત નિત્યાનંદના કેસમાં ગુજરાત શિક્ષણ વિભાગની ખોટી NOC રજુ કરવાના વિવાદમાં DPS ઇસ્ટ સ્કૂલને બંધ કરવા DEOએ આદેશ આપ્યા હતા. જોકે શાળા બંધ કરવાના નિર્ણય સામે અભ્યાસ કરતા વિદ્યાર્થીઓને કોઈ મુશ્કેલી ન પડે તે માટે નજીકની સ્કૂલોમાં પ્રવેશ માટે મદદ પણ કરવામાં આવી હતી. જે તે સમયે સ્કૂલ પાસે સક્ષમ સત્તા પ્રમાણપત્ર ન હોવાના કારણે સ્કૂલ બંધ કરવાનો હુકમ કરવામાં આવ્યો હતો.

આ પણ વાંચો:Contempt Of Court Hearing: હાઈકોર્ટે AMCને લગાવી ફટકાર, પૂછ્યું- જરા પણ એવું નથી થતું કે આપણે કેવા રોડ રાખીએ છીએ?

આ પણ વાંચો:અમદાવાદમાં ભાજપનાં નેતાઓએ 'દિવ્યકાશી ભવ્યકાશી' કાર્યક્રમ લાઇવ નિહાળી ધન્યતા અનુભવી હતી