અમદાવાદ નરોડા AMTS બસ સ્ટેન્ડ નજીક અકસ્માત, 3ના મોત

અમદાવાદ: શહેરના નરોડા વિસ્તારમાં AMTS બસ સ્ટેન્ડ પર રાહે જોઈ ઉભેલા લોકો પર બોલેરોકાર ચાલકે પૂર ઝડપે બોલેરો ચલાવતા અકસ્માત સર્જાયો હતો. આ અકસ્માતમાં સાત લોકોને ઇજા પોહોંચી છે. જ્યારે સાત પૈકી 3ના ઘટના સ્થળે મોત થયા છે તથા બે લોકો ગંભીર રીતે ઘાયલ થયા છે.

અમદાવાદના નરોડા વિસ્તારમાં AMTS બસ સ્ટેન્ડ સાથે બોલેરો કાર અથડાતા આ અકસ્માત સર્જાયો હતો. બોલેરો ચાલક નશાની હાલતમાં હતો. બસ સ્ટેન્ડ પર બસની રાહ જોઈ ઉભેલા લોકો પર બોલેરો ચાલકે કાર ચલાવતા આ ગમખ્વાર અકસ્માત સર્જાયો છે. આ અકસ્માતમાં કુલ સાત લોકો ઘાયલ થયા હતા. જેમાં સાત પૈકી ત્રણના ઘટના સ્થળે જ મોત થયા છે.

જ્યારે બે લોકો ગંભીર રીતે ઘાયલ થયા છે. અન્ય 6 લોકોને નાની મોટી ઈજાઓ થઈ છે. આ અકસ્માતના પગલે ટ્રાફિક પોલીસ અને એમ્બ્યુલન્સ ઘટના સ્થળે પહોંચી છે. અકસ્માત સર્જનાર બોલેરોકાર ચાલક નશાની હાલતમાં હોવાનું જાણવા મળ્યું છે.