અમદાવાદના કાલુપુર બોમ્બ બ્લાસ્ટનો આરોપી પુણેથી ઝડપાયો

અમદાવાદના કાલુપુર રેલવે સ્ટેશન પર પ્લેટફોર્મ નંબર 2 અને 3 પર ટેલિફોન બૂથમાં બોમ્બ પ્લાન્ટ કરવાના કેસમાં વોન્ટેડ મોહસીન નામના આતંકીને ATS દ્વારા ઝડપી પાડવામાં આવ્યો છે. આરોપી 2006થી નાસતો-ફરતો હતો અને મહારાષ્ટ્રના પૂણેમાં છુપાયેલો હતો. વર્ષ 2006માં કાલુપુર રેલવે સ્ટેશન પર ટેલિફોન બૂથ બ્લાસ્ટ કેસમાં વોન્ટેડ આરોપીઓને લશ્કર-એ-તૈયબા આતંકી સંગઠન મદદ કરતું હતું. આજે પકડાયેલા મોહસીનનું પણ આગળના લશ્કર સાથે કનેકશન હોવાનું ATS(એન્ટી ટેરેરીઝમ સ્કોવ્ડ) માની રહી છે. જે માટે હવે ATS મોહસીનના રિમાન્ડ માગવાની તજવીજ હાથ ધરશે.

• કાલુપુર બોમ્બ બ્લાસ્ટના આરોપીને ગુજરાત ATSએ પુણેથી જડપયો
• પકડાયેલા આરોપીએ બ્લાસ્ટ કરનારને પાકિસ્તાન મોકલ્યા હતા
• 12 આરોપીઓ પકડાયા છે અને 11 આરોપીઓ પકડવાના બાકી

અમદાવાદ:કાલુપુર રેલવે સ્ટેશન પર પ્લેટફોર્મ નંબર 2 અને 3 પર ટેલિફોન બૂથમાં બોમ્બ પ્લાન્ટ કરવાના કેસમાં વોન્ટેડ મોહસીન નામના આતંકીને ગુજરાત ATSએ ઝડપી લીધો છે. આરોપી 2006થી નાસતો-ફરતો હતો અને મહારાષ્ટ્રના પૂણેમાં છુપાયેલો હતો. વર્ષ 2006માં કાલુપુર રેલવે સ્ટેશન પર ટેલિફોન બુથ બ્લાસ્ટ કેસમાં વોન્ટેડ આરોપીઓને લશ્કર-એ-તૈયબા આતંકી સંગઠન મદદ કરતું હતું. આજે પકડાયેલા મોહસીનનું પણ આગળના લશ્કર સાથે કનેકશન હોવાનું ATS માની રહી છે. જે માટે હવે ATS મોહસીનના રિમાન્ડ માગવાની તજવીજ હાથ ધરશે અને પૂછપરછ હાથ ધરશે. આ કેસમાં અત્યાર સુધીમાં કુલ 12 આરોપીઓ પકડાયા છે અને 11 આરોપીઓ પકડવાના બાકી છે.

મોહસીને પાકિસ્તાનમાં જઈને ટ્રેનિંગ લીધી હતી

ગુજરાત ATSની ટીમને બાતમી મળી હતી કે, 2006ના બ્લાસ્ટ કેસમાં નાસતો ફરતો મોહસીન પુનાવાળો પૂણેના હડપસર ખાતે છુપાયેલો છે. ATSની ટીમે સર્વેલન્સના આધારે મોહસીનને ઝડપી પાડ્યો હતો. આરોપીએ પોતાના ઘરનું સરનામું બદલી નાખ્યું હતું અને બહાર આવવાનું ટાળતો હતો. તે ઘરની નજીક મદ્રાસામાં ભણાવવાનું કામ કરતો હતો અને 2006માં કંથારીયા મદ્રેસામાં અભ્યાસ કરતો હતો. મોહસીને પાકિસ્તાનમાં જઈને ટ્રેનિંગ લીધી હતી.

આ પણ વાંચો:અમદાવાદ: 2006માં કાલુપુર બ્લાસ્ટ બાદ આતંકીઓને બોર્ડર ક્રોસ કરાવનારો ઝડપાયો

બ્લાસ્ટ કેસમાં તાજેતરમાં એક આરોપી પશ્ચિમ બંગાળથી ઝડપાયો

આ બ્લાસ્ટ કેસમાં તાજેતરમાં એક આરોપી પશ્ચિમ બંગાળથી ઝડપાયો હતો. જેને બાંગ્લાદેશમાં કોઈ મદદ મળી હોવાનું પણ બહાર આવ્યું હતું. ફેબ્રુઆરી 2006માં અમદાવાદ કાલુપુર રેલવે સ્ટેશન પર થયેલા બ્લાસ્ટ કેસમાં સંડોવાયેલા આરોપી અબ્દુલ રઝાક ગાઝીની ગુજરાત ATSની ટીમે પશ્ચિમ બંગાળથી ધરપકડ કરી હતી. આરોપીએ આતંકવાદીઓને બાંગ્લાદેશ બોર્ડરથી પાકિસ્તાન ભાગી જવામાં મદદ અને આશરો આપ્યો હતો.

ATSની ટીમે આતંકીને ઝડપી લીધો હતો

ગુજરાત ATSની ટીમને બાતમી મળી હતી કે, 2006માં કાલુપુર રેલવે સ્ટેશન પર STD-PCO પર થયેલા બ્લાસ્ટ કેસમાં નાસતો આરોપી અબ્દુલ રઝાક ગાઝી પશ્ચિમ બંગાળમાં છુપાયેલો છે. બાતમીના આધારે ATSની ટીમ પશ્ચિમ બંગાળ રવાના થઈ હતી અને આતંકીને ઝડપી લીધો હતો. મહંમદ અસલમ ઇર્ફે અસલમ કશ્મીરીએ ગુજરાત અને મહારાષ્ટ્રના યુવાનોને પાકિસ્તાન અને PoKમાં તાલીમ માટે મોકલી આપ્યા હતા. જેમાં અબુ ઝુંડાલ અને ઝુલ્ફીકાર કાગઝીએ કાલુપુરમાં બ્લાસ્ટ કર્યો હતો. બંને આરોપીઓને બાંગ્લાદેશ બોર્ડરથી પાકિસ્તાન ભાગી જવામાં અબ્દુલ રઝાકે મદદ કરી હતી.

આ પણ વાંચો:બૉમ્બ બ્લાસ્ટ કેસ: આરોપીને અમદાવાદ સેન્ટ્રલ જેલ લાવવાની અરજી કોર્ટે ફગાવી