અમદાવાદઃ પાકિસ્તાન દ્વારા જારી કરવામાં આવેલા નવા નક્શામાં ગુજરાતના જૂનાગઢને પાકિસ્તાનનો હિસ્સો બતાવતા ભારે વિરોધ થઇ રહ્યો છે. આ મુદ્દે અમદાવાદમાં આમ આદમી પાર્ટીના નેતા અને કાર્યકરો પાકિસ્તાનના પીએમ ઇમરાન ખાનના પૂતળાનું દહન કરવા ભેગા થયા હતા, જો કે તેઓ પૂતળાનું દહન કરે એ પહેલાં જ પોલીસે તેમની અટકાયત કરી હતી.
પાકિસ્તાનનો વિરોધ કરી રહેલા આમ આદમી પાર્ટીના કાર્યકર્તાઓની પોલીસે કરી અટકાયત
આ મુદ્દે વાતચીત કરતા આમ આદમી પાર્ટીના નેતા અમજદ પઠાણે જણાવ્યું હતું કે, અમે પાકિસ્તાન સામે વિરોધ કરી રહ્યા છીએ. તેમ છતાં અમને પોલીસ વિરોધ કરવા દેતી નથી અને અમારી અટકાયત કરી રહી છે. આ પ્રકારના કૃત્યથી સરકારની નીતિ સ્પષ્ટ થાય છે.