અમદાવાદ કોર્પોરેશન દ્વારા AXIS બેન્ક સહિત 5 યુનિટને સિલ કરવામાં આવી

રાજ્યમાં કોરોનાના કેસમાં સતત વધારો થઈ રહ્યો છે. જેથી રાજ્ય સરકારે 50 ટકા સ્ટાફ સાથે કામગીરી કરવાની જાહેરાત કરી છે. પરંતુ અમુક સંસ્થાઓ દ્વારા હજુ સુધી નિયમોનુ પાલન કરવામાં આવી નથી રહ્યું, ત્યારે અમદાવાદ કોર્પોરેશન દ્વારા તપાસ હાથ ધરવામાં આવી હતી. જેમાં એકસિસ બેન્ક સહિતની કુલ 5 સંસ્થાઓને અમદાવાદ કોર્પોરેશન દ્વારા સિલ કરવામાં આવી છે.

• અમદાવાદ કોર્પોરેશન દ્વારા ગાઇડલાઈડનો ભંગ કરતા યુનિટ કરાયા સિલ
• થલતેજની એક્સિસ બેન્કને પણ કરાઈ સિલ
• કુલ 5 કંપનીને કોર્પોરેશને સિલ કરી

અમદાવાદઃ રાજ્ય સહિત અમદાવાદ શહેરમાં કોરોનાના કેસમાં સતત વધારો થઈ રહ્યો છે, ત્યારે વધુ સંક્રમણ ના ફેલાઇ તેને ધ્યાનમાં લઇને રાજ્ય સરકાર દ્વારા 50 ટકા સ્ટાફ સાથે કામગીરી કરવાની જાહેરાત કરવામાં આવી છે. પરંતુ અમુક સંસ્થાઓ દ્વારા હજુ સુધી નિયમોનુ પાલન કરવામાં આવી નથી રહ્યું, ત્યારે અમદાવાદ કોર્પોરેશન દ્વારા તપાસ હાથ ધરવામાં આવી હતી. જેમાં એકસિસ બેન્ક સહિતની કુલ 5 સંસ્થાઓને અમદાવાદ કોર્પોરેશન દ્વારા સિલ કરવામાં આવી છે.

આ પણ વાંચોઃ રાજકોટમાં માસ્ક, સોશિયલ ડિસ્ટન્સના ભંગ અંગે 17 ચા-પાનની દુકાનો અને હોટેલોને 7 દિવસ માટે સીલ

કઇ સંસ્થાઓ સિલ કરાઈ

• એક્સિસ બેન્ક (હેલ્પ ડેસ્ક) થલતેજ
• મેસર્સ સી એન્ડ એસ, SG હાઇવે
• ગેલોપ્સ ઓટોહોસ પ્રાં.લી. મકરબા
• રિધ્ઘિ કો. સર્વિસીસ સરદાર પટેલ મોલ, નિકોલ
• ક્રિષ્ના ડાયમંડસ જડેશ્વર કોમ્પલેક્ષ, વસ્ત્રાલ

આ પણ વાંચોઃ અમદાવાદમાં વેપારી એસોસિએશને સ્વૈચ્છિક લોકડાઉનની કરી જાહેરાત

427 ઓફિસમાં કરાયુ ચેકિંગ

રાજ્ય સરકાર દ્વારા જાહેર કરવામાં આવેલા 50 ટકા સ્ટાફના નિયમોનુ પાલન થાય છે કે નહી તે માટે આજે સોમવારે અમદાવાદ કોર્પોરેશન દ્વારા 427 ઓફિસ અને કંપનીઓમાં ચેકિંગ હાથ ધરવામાં આવ્યું હતું. જેમાં 5 સંસ્થોઓમાં નિયમોનુ ઉલ્લંધન જોવા મળતા આ સંસ્થાઓને કોર્પોરેશન દ્વારા સીલ કરવામાં આવી છે. આ ચેકિંગમાં સામાજીક અંતર, માસ્ક ફરજીયાત અને તમામ પ્રકારના પાસાઓનુ પણ ઇન્સપેક્શન કરવામાં આવ્યું હતું.