UPI Payment New Rule : UPI ચુકવણી મોંઘી થશે, 1 એપ્રિલથી આવા વ્યવહારો પર PPI ચાર્જ ચૂકવવો પડશે

1 એપ્રિલથી, જો તમે મોબાઈલ પેમેન્ટ સિસ્ટમ અથવા યુનિફાઈડ પેમેન્ટ ઈન્ટરફેસ (UPI) દ્વારા ચુકવણી કરશો તો તમારે તમારું ખિસ્સું વધુ ઢીલું કરવું પડશે. નેશનલ પેમેન્ટ્સ કોર્પોરેશન ઓફ ઈન્ડિયા (NPCI) દ્વારા જારી કરાયેલા પરિપત્ર અનુસાર, UPI દ્વારા 2,000 રૂપિયાથી વધુના વ્યવહારો માટે 1.1 ટકા PPI ચાર્જ ચૂકવવો પડશે. જાણો શું છે સમગ્ર મામલો આ અહેવાલમાં.

નવી દિલ્હી: NPCI એ યુનિફાઇડ પેમેન્ટ્સ ઇન્ટરફેસ એટલે કે UPI દ્વારા પેમેન્ટ કરનારાઓને મોટો ઝટકો આપ્યો છે. નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ 24 માર્ચ, 2023 ના રોજ એક પરિપત્ર બહાર પાડ્યો હતો. જે મુજબ, નવા નાણાકીય વર્ષની 1 એપ્રિલથી, UPI દ્વારા 2,000 રૂપિયાથી વધુના વ્યવહારો માટે 1.1 ટકા PPI ચાર્જ ચૂકવવો પડશે.

NPCI એ એક પરિપત્ર જારી કર્યોઃ વિશ્વ ડિજિટલ બનતા હવે મોટાભાગના લોકો ઓનલાઈન પેમેન્ટ એટલે કે, મોબાઈલ પેમેન્ટને મહત્વ આપે છે. દરેક નાની-મોટી દુકાનમાં તેની હાજરી તેને વધુ લોકપ્રિય બનાવે છે. પરંતુ 1 એપ્રિલથી યુનિફાઈડ પેમેન્ટ ઈન્ટરફેસ (UPI) પેમેન્ટ કરવા પર તમારે તમારું ખિસ્સું વધુ ઢીલું કરવું પડશે. NPCI એ એક પરિપત્ર જારી કર્યો છે જેમાં UPI દ્વારા રૂ. 2,000 થી વધુના વ્યવહારો પર 1.1% પ્રીપેડ પેમેન્ટ ઇન્સ્ટ્રુમેન્ટ એટલે કે PPI લાદવાનું સૂચન કર્યું છે.

આ પણ વાંચોઃEPFO: કર્મચારીઓને મળતા પ્રોવિડેન્ટ ફંડ પર વ્યાજદરોમાં વધારો, જાણો કોને થશે ફાયદો

કેટલી ઇન્ટરચેન્જ ફી ચૂકવવી પડશેઃ મીડિયા રિપોર્ટ્સ અનુસાર, NPCIના સર્ક્યુલરમાં 2,000 રૂપિયાથી વધુના ટ્રાન્ઝેક્શન પર જ આ ઇન્ટરચેન્જ ચાર્જ કરવામાં આવશે. જે 2,000 રૂપિયાથી વધુની રકમ (ટ્રાન્ઝેક્શન)ના કુલ 1.1 ટકા હશે. એ નોંધવું જોઈએ કે NPCI એ વિવિધ પ્રદેશો માટે અલગ અલગ ઇન્ટરચેન્જ ફી નક્કી કરી છે. આ ચાર્જ મર્ચન્ટ ટ્રાન્ઝેક્શન એટલે કે વેપારીઓને પેમેન્ટ કરતા યુઝર્સને ચૂકવવો પડશે.

આ પણ વાંચોઃDemat Account : જો તમે ટ્રેડિંગ, ડીમેટ અને MF એકાઉન્ટનો ઉપયોગ કરો છો તો આ કામ 31 સુધી ચોક્કસ કરો, નહીં તો એકાઉન્ટ ફ્રીઝ થઈ જશે.

કોને ફી ભરવાની રહેશે નહીંઃ નેશનલ પેમેન્ટ્સ કોર્પોરેશન ઓફ ઈન્ડિયા (NPCI) ના પરિપત્ર અનુસાર પીઅર-ટુ-પીઅર (P2P) અને પીઅર-ટુ-પીઅર મર્ચન્ટ (P2PM) માં બેંક એકાઉન્ટ અને PPI વૉલેટ વચ્ચે કોઈપણ પ્રકારની લેવડદેવડ માટે કોને ઇન્ટરચેન્જ ફી ચૂકવવાની રહેશે નહીં. કોઈ ફી ભરવાની રહેશે નહીં. આ નવો નિયમ નવા નાણાકીય વર્ષ 1લી એપ્રિલથી લાગુ કરવામાં આવશે.