અમદાવાદ સપ્તાહના છેલ્લા દિવસે આજે (શુક્રવારે) ભારતીય શેરબજાર (Stock Market India) ઘટાડા સાથે બંધ થયું છે. આજે બપોરે 3.30 વાગ્યે બોમ્બે સ્ટોક એક્સચેન્જનો સેન્સેક્સ (Bombay Stock Exchange News) 461.22 પોઈન્ટ (0.75 ટકા)ના ઘટાડા સાથે 61,337.81ના સ્તર પર બંધ થયો છે. જ્યારે નેશનલ સ્ટોક એક્સચેન્જનો નિફ્ટી (National Stock Exchange News) 145.90 પોઈન્ટ (0.79 ટકા) તૂટીને 18,269ના સ્તર પર બંધ થયો છે.
નિષ્ણાતના મતે ટ્રેડબૂલ્સ સિક્યૂરિટીઝના (Tradebulls Securities) CMD દિનેશ ઠક્કરે ETV Bharat સાથેની ખાસ વાતચીતમાં જણાવ્યું હતું કે, મોટા ભાગના સેક્ટર્સમાં નોંધપાત્ર રીતે ઓછો ઓપન ઇન્ટરેસ્ટ જોવા મળી રહ્યો છે, જે ક્રિસમસ વેકેશન પહેલા બજારને લઈને એક અસંદિગ્ધતા સૂચવે છે. ECB અને US ફેડના હોકીશ ટોન પણ ઇક્વિટી એસેટમાં પ્રોફિટ બુકિંગ માટે માર્ગ મોકળો કરે છે. બીજી ચિંતા એ છે કે, ડોલર સામે રૂપિયો ઝડપી ગતિએ મજબૂત થઈ રહ્યો છે, જે વૈશ્વિક રોકાણકારોને સ્થાનિક ઈક્વિટી બજારોમાંથી નાણાં ખેંચવા માટે પ્રોત્સાહિત કરી શકે છે, પરિણામે બજાર નીચે તરફ વળે છે. શોર્ટ ટર્મ ટ્રેડર્સ માટે વ્યાપક વ્યૂહરચના ચાલુ છે. જ્યાં સુધી ઈન્ડેક્સ ચાલુ બ્રોડનીંગ ફોર્મેશનમાં ઓસિલેટ ન થાય ત્યાં સુધી અઠવાડિયા દરમિયાન તેમની લાંબી શોર્ટ્સ પોઝિશન જાળવી રાખવી.