Share Market Update: નકારાત્મક વૈશ્વિક સંકેતોની અસર, નિફ્ટી અને સેન્સેક્સમાં જોવા મળ્યો ઘટાડો

વૈશ્વિક બજારના વલણને કારણે નિફ્ટી અને સેન્સેક્સે શરૂઆતના વેપારમાં ઘટાડો નોંધાવ્યો હતો. જ્યારે BSE 205 પોઈન્ટ ગબડ્યો હતો, તો નેશનલ સ્ટોક એક્સચેન્જનો નિફ્ટી 78 પોઈન્ટના ઘટાડા સાથે ટ્રેડ થઈ રહ્યો હતો.

મુંબઈ: વૈશ્વિક બજારોમાં નબળા વલણ, વૈશ્વિક બેંકિંગ સિસ્ટમના સ્વાસ્થ્ય અંગેની ચિંતા અને યુરોપ અને અમેરિકામાં દર વધારા અંગેની અનિશ્ચિતતા વચ્ચે ગુરુવારે શરૂઆતના વેપારમાં સેન્સેક્સ અને નિફ્ટીમાં ઘટાડો થયો હતો. આ દરમિયાન BSEના 30 શેરોવાળા સેન્સેક્સમાં 205.24 પોઈન્ટનો ઘટાડો થયો હતો. તે જ સમયે, નેશનલ સ્ટોક એક્સચેન્જનો નિફ્ટી 78.45 પોઈન્ટ અથવા 0.46 ટકાના ઘટાડા સાથે 16,893.70 પોઈન્ટ પર ટ્રેડ કરી રહ્યો હતો.

આ પણ વાંચો:Paytm UPI Liteના યુઝર્સની સંખ્યા 2 મિલિયનને પાર, દરરોજ 5 લાખથી વધુ ટ્રાન્ઝેક્શન

પાંચમા ટ્રેડિંગ સેશનમાં ઘટાડો: સેન્સેક્સમાં 20 કંપનીઓના શેર્સ ખોટમાં હતા જ્યારે નિફ્ટીમાં 30 શેર્સ. સતત પાંચમા ટ્રેડિંગ સેશનમાં નિફ્ટી અને સેન્સેક્સમાં ઘટાડો નોંધાયો હતો. નકારાત્મક વૈશ્વિક સંકેતો વચ્ચે ગુરુવારે હોંગકોંગ અને જાપાન સહિતના એશિયન બજારોમાં ઘટાડો નોંધાયો હતો. યુરોપિયન બજારોને બુધવારે પણ નુકસાન થયું હતું. અગાઉના ટ્રેડિંગ સેશનમાં બુધવારે 30 શેરો વાળા સેન્સેક્સ 344.29 પોઈન્ટ્સ અથવા 0.59 ટકા ઘટીને 57,555.90 ના સ્તર પર બંધ થયા હતા. એ જ રીતે, NSE નિફ્ટી 71.15 પોઈન્ટ્સ અથવા 0.42 ટકાના ઘટાડા સાથે 16,972.15 પર બંધ રહ્યો હતો.

ડોલર સામે રૂપિયો 10 પૈસા ઘટ્યો:વૈશ્વિક અને સ્થાનિક ઇક્વિટી બજારોમાં નકારાત્મક વલણ અને સતત વિદેશી ભંડોળના પ્રવાહને કારણે ગુરુવારે પ્રારંભિક વેપારમાં રૂપિયો ડોલર સામે 10 પૈસા ઘટીને રૂપિયા 82.75 થયો હતો. ઇન્ટરબેંક ફોરેન એક્સચેન્જ માર્કેટમાં ડોલર સામે રૂપિયો 82.77 પર નબળો ખૂલ્યો હતો અને પછી 82.80 થી 82.71ની રેન્જમાં ટ્રેડ થયો હતો.

આ પણ વાંચો:Stock Market India: સતત ત્રીજા દિવસે માર્કેટમાં મંદી, સેન્સેક્સ 58,000ની નીચે

ડૉલર ઇન્ડેક્સમાં નજીવો ઘટાડો:પાછળથી, રૂપિયો તેના અગાઉના બંધ કરતાં 10 પૈસા ઘટીને 82.75 થયો. બુધવારે અમેરિકી ડોલર સામે રૂપિયો 82.65 ના સ્તર પર બંધ થયો હતો. આ દરમિયાન ડૉલર ઇન્ડેક્સ, જે છ મુખ્ય ચલણો સામે યુએસ ડૉલરની સ્થિતિ દર્શાવે છે, 0.10 ટકા ઘટીને 104.54 થયો હતો. વૈશ્વિક ઓઇલ બેન્ચમાર્ક બ્રેન્ટ ક્રૂડ ફ્યુચર્સ 0.61 ટકા વધીને બેરલ દીઠ 74.14 ડોલર પર છે. શેરબજારના કામચલાઉ ડેટા અનુસાર, વિદેશી સંસ્થાકીય રોકાણકારો (FII)એ બુધવારે ચોખ્ખા ધોરણે રૂપિયા 1,271.25 કરોડના શેરનું વેચાણ કર્યું હતું.