Retail Inflation: રિટેલ ફુગાવો મે મહિનામાં ઘટીને 4.25 ટકા થયો, 25 મહિનામાં સૌથી નીચો

મે મહિનામાં ખાદ્યપદાર્થો અને ઇંધણ ઉત્પાદનોના ભાવમાં સાધારણ ઘટાડો થયો છે, જેના કારણે છેલ્લા મહિનામાં છૂટક ફુગાવો ઘટીને 4.25 ટકા પર આવી ગયો છે. આ સ્તર છેલ્લા 25 મહિનામાં સૌથી નીચું સ્તર છે.

નવી દિલ્હી:ખાદ્યપદાર્થો અને ઈંધણ ઉત્પાદનોના ભાવમાં નરમાઈને કારણે રિટેલ ફુગાવો મે મહિનામાં 4.25 ટકાના 25 મહિનાના નીચલા સ્તરે પહોંચી ગયો છે. સરકાર દ્વારા સોમવારે જારી કરવામાં આવેલા આંકડામાં આ માહિતી આપવામાં આવી છે.

2022માં રિટેલ ફુગાવો:ડેટા અનુસાર, મે 2023માં છૂટક ફુગાવો 4.25 ટકા હતો, જે એપ્રિલ 2021 પછીનો સૌથી નીચો સ્તર છે. એપ્રિલ 2021માં છૂટક ફુગાવો 4.23 ટકા હતો. એપ્રિલ, 2023માં કન્ઝ્યુમર પ્રાઇસ ઇન્ડેક્સ (CPI) આધારિત ફુગાવો 4.7 ટકા હતો. જ્યારે એક વર્ષ પહેલા મે 2022માં રિટેલ ફુગાવો 7.04 ટકાના સ્તરે હતો.

રિટેલ ફુગાવોસંતોષજનક સ્તરે:આ રીતે રિટેલ મોંઘવારી દરમાં સતત ચોથા મહિને ઘટાડો થયો છે. આ સાથે, આ સતત ત્રીજો મહિનો છે જ્યારે રિટેલ ફુગાવો ભારતીય રિઝર્વ બેંક માટે સંતોષજનક સ્તરે છે. સરકારે 2 ટકાના માર્જિન સાથે રિટેલ ફુગાવો 4 ટકા પર રાખવાની જવાબદારી રિઝર્વ બેન્કને સોંપી છે.

CPI ઇન્ડેક્સમાં ખાદ્ય ઉત્પાદનોનો હિસ્સો: છેલ્લા મહિનામાં રિટેલ ફુગાવામાં ઘટાડો મુખ્યત્વે ખાદ્ય ઉત્પાદનો અને ઇંધણના ભાવમાં ઘટાડો થવાને કારણે હતો. ખાદ્ય ફુગાવો મે મહિનામાં 2.91 ટકા હતો, જે એપ્રિલમાં 3.84 ટકા હતો. CPI ઇન્ડેક્સમાં ખાદ્ય ઉત્પાદનોનો હિસ્સો લગભગ અડધો છે. આ સિવાય ફ્યુઅલ અને લાઇટ સેગમેન્ટમાં પણ ફુગાવો ઘટીને 4.64 ટકા પર આવી ગયો છે, જ્યારે એપ્રિલમાં તે 5.52 ટકા હતો.

ફુગાવાનો દરઃ આરબીઆઈના દાયરામાં ફુગાવાનો દર પણ સ્પષ્ટ થયો છે. એપ્રિલ 2023માં છૂટક ફુગાવો 4.7 ટકાના 18 મહિનાના નીચા સ્તરે આવી ગયો છે. એપ્રિલમાં છૂટક મોંઘવારી દર ઓક્ટોબર 2021 પછીના સૌથી નીચા સ્તરે આવી ગયો છે. તે જ સમયે, ભારતનો જથ્થાબંધ ભાવ સૂચકાંક (WPI) ફુગાવો આ વર્ષે એપ્રિલમાં ઘટીને -0.92 ટકા પર આવી ગયો, જે આ વર્ષે માર્ચમાં 1.34 ટકા હતો. જથ્થાબંધ ભાવ સૂચકાંક પર આધારિત ખાદ્ય ફુગાવો એપ્રિલમાં ઘટીને 0.17 ટકા થયો છે જે માર્ચમાં 2.32 ટકા હતો.

આ પણ વાંચો: