મુંબઈ:આંતરરાષ્ટ્રીય બજારમાં પેટ્રોલની વધતી કિંમત અને અન્ય દેશોના ચલણના અવમૂલ્યનને કારણે દેશના વિદેશી હૂંડિયામણના ભંડારમાં સતત ઘટાડો થઈ રહ્યો છે. રિઝર્વ બેંક ઓફ ઈન્ડિયા (Reserve Bank of India)ના ડેટા અનુસાર, 3 જૂનના રોજ પૂરા થયેલા સપ્તાહમાં ભારતના વિદેશી મુદ્રા ભંડારમાં ડોલર 306 મિલિયનનો ઘટાડો થયો છે. વિદેશી ચલણની તિજોરી હવે ડોલર 601.057 બિલિયન થઈ ગઈ છે. ગયા સપ્તાહે વિદેશી મુદ્રા ભંડાર (Forex reserves) ડોલર 3.854 બિલિયન વધીને ડોલર 601.363 બિલિયન થયું હતું. 20 મેના રોજ પૂરા થયેલા સપ્તાહમાં વિદેશી મુદ્રા ભંડારમાં ડોલર 4.23 બિલિયનનો વધારો થયો હતો.
ભારતીય ફોરેક્સ રિઝર્વમાં 306 મિલિયન ડોલર ઘટીને ડોલર 601 બિલિયન ડોલરનો થયો ઘટાડો
સતત બે સપ્તાહની વૃદ્ધિ બાદ ભારતના વિદેશી મુદ્રા ભંડારમાં (Forex reserves India) ઘટાડો થયો છે. RBI અનુસાર, 3 જૂને પૂરા થયેલા સપ્તાહમાં ભારતનું વિદેશી હૂંડિયામણ ડોલર 306 મિલિયન ઘટીને ડોલર 601.057 બિલિયન થઈ ગયું છે.
ભારતીય ફોરેક્સ રિઝર્વ $306 મિલિયન ઘટીને $601 બિલિયન થયું
આ પણ વાંચો:શું છે, ભારતનો 2022-23 નો વિકાસ દર
સ્પેશિયલ ડ્રોઈંગ રાઈટ્સનું મૂલ્ય ઘટ્યું: રિઝર્વ બેંક ઓફ ઈન્ડિયાના સાપ્તાહિક આંકડાકીય પૂર્તિ અનુસાર, રિપોર્ટિંગ સપ્તાહમાં વિદેશી મુદ્રા ભંડારમાં ઘટાડો થવાનું કારણ વિદેશી ચલણ અસ્કયામતોમાં થયેલ ઘટાડો છે, જે કુલ ચલણ અનામતનો નોંધપાત્ર ઘટક છે. ડેટા અનુસાર, રિપોર્ટિંગ સપ્તાહમાં ફોરેન કરન્સી એસેટ્સ (Foreign currency assets) ડોલર 208 મિલિયન ઘટીને ડોલર 536.779 બિલિયન થઈ છે. ડૉલરમાં નામાંકિત વિદેશી મુદ્રા ભંડારમાં (Forex reserves India) રાખવામાં આવેલી વિદેશી ચલણ અસ્કયામતોમાં યુરો, પાઉન્ડ અને યેન જેવી બિન-યુએસ કરન્સીમાં મૂલ્યવૃધ્ધી અથવા અવમૂલ્યનની અસરોનો સમાવેશ કરવામાં આવે છે. સમીક્ષા હેઠળના સપ્તાહ દરમિયાન સોનાના ભંડારનું મૂલ્ય ડોલર 74 મિલિયન ઘટીને ડોલર 40.843 બિલિયન થયું હતું. છેલ્લા બે સપ્તાહમાં સોનાના ભંડારના મૂલ્યમાં વધારો થયો છે. RBIના ડેટા દર્શાવે છે કે, ઈન્ટરનેશનલ મોનેટરી ફંડ સાથે ભારતના સ્પેશિયલ ડ્રોઈંગ રાઈટ્સ (special drawing rights)નું મૂલ્ય 3 જૂનના રોજ પૂરા થયેલા સપ્તાહ દરમિયાન ડોલર 28 મિલિયન ઘટીને ડોલર 18.410 બિલિયન થઈ ગયું છે.