નવી દિલ્હી: યુએસમાં નરમાઈ અને ડોલરના નબળા પડવાના કારણે નવેમ્બરમાં અત્યાર સુધીમાં વિદેશી રોકાણકારોએ ભારતીય ઈક્વિટી માર્કેટમાં લગભગ રૂપિયા 19,000 કરોડનું રોકાણ કર્યું છે. ડિપોઝિટરીઝના ડેટા દર્શાવે છે કે(fpi invested rs 19000 crore in indian market) વિદેશી રોકાણકારો અનુકૂળ થયા તે પહેલાં નવેમ્બરમાં સતત બે મહિનાના ઉપાડ જોવા મળ્યા હતા.
નેટ સેલર રહ્યા :વિદેશી રોકાણકારોએ સપ્ટેમ્બરમાં ભારતીય બજારોમાંથી રૂપિયા 7,624 કરોડ અને ઓક્ટોબરમાં રૂપિયા 8 કરોડનો ચોખ્ખો ઉપાડ કર્યો હતો. તે પહેલા, વિદેશી પોર્ટફોલિયો રોકાણકારો (FPIs) એ ઓગસ્ટમાં રૂપિયા 51,200 કરોડ અને જુલાઈમાં રૂપિયા 5,000 કરોડની ચોખ્ખી ખરીદી કરી હતી. જો કે, તે પહેલા, વિદેશી રોકાણકારો ઓક્ટોબર 2021 થી જૂન 2022 સુધી સતત નવ મહિના સુધી નેટ સેલર રહ્યા હતા.
બજારોમાં રસ:જિયોજીત ફાઇનાન્શિયલ સર્વિસિસના ચીફ ઇન્વેસ્ટમેન્ટ સ્ટ્રેટેજિસ્ટ વીકે વિજયકુમાર માને છે કે FPIs આગામી દિવસોમાં પણ ખરીદીનો ટ્રેન્ડ ચાલુ રાખી શકે છે. તેમણે કહ્યું કે, યુએસમાં ફુગાવાના ડેટામાં નરમાઈના વલણ અને ડોલર અને બોન્ડની યીલ્ડમાં ઘટાડો થવાને કારણે વિદેશી રોકાણકારો ભારતીય બજારોમાં રસ દાખવી શકે છે. આંકડા દર્શાવે છે કે 1 નવેમ્બરથી 11 નવેમ્બર સુધીમાં વિદેશી રોકાણકારોએ ભારતીય ઈક્વિટી માર્કેટમાં કુલ રૂપિયા 18,979 કરોડનું રોકાણ કર્યું છે.
ફુગાવામાં નરમાઈ:વર્ષ 2022માં અત્યાર સુધીમાં ભારતીય બજારમાંથી વિદેશી રોકાણકારોનું 1.5 લાખ કરોડ રૂપિયા પાછા ખેંચી લેવામાં આવ્યા છે. કોટક સિક્યોરિટીઝના ઇક્વિટી રિસર્ચ (રિટેલ)ના વડા શ્રીકાંત ચૌહાણે વિદેશી રોકાણકારોના વર્તમાન વલણને ફુગાવામાં નરમાઈ, વૈશ્વિક બોન્ડની નીચી ઉપજ અને ડૉલર ઇન્ડેક્સમાં ઘટાડાને આભારી છે, જે ડૉલરની મજબૂતાઈ દર્શાવે છે. મોર્નિંગસ્ટાર ઇન્ડિયાના સહ-નિર્દેશક હિમાંશુ શ્રીવાસ્તવે જણાવ્યું હતું કે, "તાજેતરના ભૂતકાળમાં ઇક્વિટી બજારોમાં તેજી સાથે, વિદેશી રોકાણકારોએ પણ સંભવિત વળતરની અપેક્ષાએ તેનો ભાગ બનવાનું પસંદ કર્યું છે."
