નવી દિલ્હી: કેન્દ્ર સરકારે નવેમ્બર મહિના માટે આંધ્ર પ્રદેશ, પંજાબ, આસામ, રાજસ્થાન અને પશ્ચિમ બંગાળ સહિત 14 રાજ્યોને મહેસૂલ ખાધ અનુદાન તરીકે રૂપિયા 7,183.42(revenue deficit grant to 14 states) કરોડ જારી કર્યા છે. નાણા મંત્રાલયે સોમવારે એક નિવેદનમાં જણાવ્યું હતું. 15મા નાણાપંચે નાણાકીય વર્ષ 2022-23 માટે 14 રાજ્યોને કુલ રૂ. 86,201 કરોડની કુલ પોસ્ટ ડિવોલ્યુશન રેવન્યુ ડેફિસિટ ગ્રાન્ટની ભલામણ કરી છે. ભલામણ કરેલ ગ્રાન્ટ ખર્ચ વિભાગ દ્વારા ભલામણ કરેલ રાજ્યોને 12 સમાન માસિક હપ્તામાં આપવામાં આવે છે.
કેન્દ્રએ 14 રાજ્યોને રેવન્યુ ડેફિસિટ ગ્રાન્ટ તરીકે રૂપિયા 7,183 કરોડ જાહેર કર્યાઃ નાણા મંત્રાલય
નાણા મંત્રાલયના ખર્ચ વિભાગ દ્વારા 14 રાજ્યોને રૂપિયા 7,183.42 કરોડની પોસ્ટ ડિવોલ્યુશન રેવન્યુ ડેફિસિટ (PDRD) ગ્રાન્ટનો 8મો (revenue deficit grant to 14 states)માસિક હપ્તો જારી કરવામાં આવ્યો હતો. 2022-23માં રાજ્યોને જાહેર કરાયેલ કુલ મહેસૂલ ખાધ અનુદાન રૂપિયા 57,467.33 કરોડ છે.
કેન્દ્રએ 14 રાજ્યોને રેવન્યુ ડેફિસિટ ગ્રાન્ટ તરીકે રૂપિયા 7,183 કરોડ જાહેર કર્યાઃ નાણા મંત્રાલય
આઠમો માસિક હપ્તો:મંત્રાલયે એક અખબારી યાદીમાં જણાવ્યું હતું કે,"ખર્ચ વિભાગે 15મા નાણાપંચની ભલામણો અનુસાર 14 રાજ્યોને 7,183.42 કરોડ રૂપિયાની પોસ્ટ ડિવોલ્યુશન રેવન્યુ ડેફિસિટ (PDRD) ગ્રાન્ટનો આઠમો માસિક હપ્તો બહાર પાડ્યો હતો." તેમણે કહ્યું કે, આ વર્ષે નવેમ્બરના આઠમા હપ્તાની રજૂઆત સાથે, 2022-23માં રાજ્યોને જાહેર કરાયેલ મહેસૂલ ખાધ અનુદાનની કુલ રકમ વધીને 57,467.33 કરોડ રૂપિયા થઈ ગઈ છે.
15મા નાણાપંચ:નોંધનીય છે કે બંધારણના અનુચ્છેદ 275 હેઠળ રાજ્યોને મહેસૂલ ખાધ અનુદાન આપવામાં આવે છે. રાજ્યોના મહેસૂલ ખાતાઓમાં અંતરને દૂર કરવા માટે, અનુગામી નાણાપંચોની ભલામણો અનુસાર રાજ્યોને અનુદાન આપવામાં આવે છે. આ ગ્રાન્ટ મેળવવા માટે રાજ્યોની પાત્રતા અને 2020-21 થી 2025-26ના સમયગાળા માટે અનુદાનનું પ્રમાણ રાજ્યની આવક અને ખર્ચના આકારણી વચ્ચેના અંતરાલના આધારે 15મા નાણાપંચ દ્વારા નક્કી કરવામાં આવ્યું હતું.