નવી દિલ્હી: સ્થાનિક શેરબજારો સપ્તાહના પ્રથમ ટ્રેડિંગ સેશનમાં તીવ્ર ઘટાડા સાથે બંધ રહ્યા હતા. દેશમાં કોરોના દર્દીઓની સંખ્યામાં વધારો, લોકડાઉનમાં 2 સપ્તાહનો વધારો, વ્યવસાયિક પ્રવૃત્તિઓમાં મર્યાદિત છૂટછાટ અને અપેક્ષિત આર્થિક આશા કરતા ઓછા આવવાના કારણે બજારમાં દબાણ જોવા મળ્યું હતું.
તે જ સમયે, રોકાણકારો પણ અમેરિકા અને ચીન વચ્ચેના વેપાર યુદ્ધમાં વધારો થવાની સંભાવનાથી ડરી રહ્યા છે. આજના કારોબારમાં સેન્સેક્સ 1069 પોઇન્ટ તૂટીને 30,029 અને નિફ્ટી 314 અંક નીચે ઘટીને 8823 પર બંધ થયા છે. આજના બિઝનેસમાં બેન્કિંગ ક્ષેત્રને સૌથી વધુ નુકસાન થયું છે.
બેન્કિંગ અને ફાઇનાન્શિયલ સર્વિસિસ કંપનીઓમાં આજના બિઝનેસમાં સૌથી મોટો ઘટાડો જોવા મળ્યો છે. બંને સેક્ટર ઇન્ડેક્સ લગભગ 6.6 ટકા ઘટીને બંધ રહ્યા હતા. ઑટો સેક્ટર ઇન્ડેક્સ 5.63 ટકા અને રિયલ્ટી સેક્ટર ઈન્ડેક્સ 5.28 ટકા ઘટીને બંધ રહ્યા છે. મેટલ સેક્ટર ઈન્ડેક્સ 4 ટકાથી વધુ ઘટ્યો છે. તે જ સમયે, પાવર ક્ષેત્ર 3 ટકાથી વધુના ઘટાડા સાથે બંધ રહ્યા હતા.
એફએમસીજી સેક્ટર ઇન્ડેક્સમાં લગભગ 1 ટકાનો ઘટાડો થયો છે. બીજી તરફ, આઇટી સેક્ટર ઇન્ડેક્સ 0.61 ટકા અને ફાર્મા સેક્ટર ઇન્ડેક્સ 0.09 ટકા વધીને બંધ થયા છે.
બીજી તરફ, સિપ્લા 5.5 ટકાના વધારા સાથે નિફ્ટીનો સૌથી વધારા સાથેનો સ્ટોક રહ્યો છે.
