IL એન્ડ FS કૌભાંડઃ ઓડિટ કંપની ડેલૉઈટ પર શું પ્રતિબંધ લદાશે?

મુંબઈઃ IL એન્ડ FS કૌભાંડમાં જોડાયેલા અધિકારીઓ પર સખતાઈ થવાની શરૂઆત થઈ છે. કેટલાક મહિનાઓ પહેલા આઈએલ એન્ડ એફએશમાં 91,000 કરોડ રૂપિયાનું કૌભાંડ બહાર આવ્યું છે. આઈએલ એન્ડ એફએસમાં ઓડિટમાં ગરબડ કરવા પર કોર્પોરેટ અફેયર્સ મંત્રાલય ઓડિટ કંપની ડેલૉયટ પર પ્રતિબંધ લગાવી શકે છે.

ફાઈનાન્સિયલ એક્સપ્રેસ અનુસાર કોર્પોરેટ મંત્રાલય સેક્શન 140-5 હટાવીને પછી ડેલૉઈટ પર પ્રતિબંધ લગાવી શકે છે.

ગયા સપ્તાએ ડેલૉઈટના પૂર્વ સીઈઓની સીરિયસ ફ્રોડ ઈન્વેસ્ટિગેશન ઓફિસ એટલે કે SFIO એ આઈએલ એન્ડ એફએસના ઓડિટમાં થયેલી ગરબડ અંગે સવાલ જવાબ કર્યા હતા. હાલમાં જ એક વ્હિસલબ્લોઅરે SFIO ને એક પત્ર લખ્યો છે. જે પછી પૂછપરછમાં ઝડપ આવી છે. આઈએલ એન્ડ એફએસના ઓડિટમાં ગરબડ કરવા પર ડેલૉઈટ પર 5 વર્ષનો પ્રતિબંધ લાગી શકે છે. જો આમ થશે કો પ્રાઈઝ વૉટરહાઉસ પછી આ બીજી ઓડિટ કંપની હશે કે તેના પર કામકાજનો પ્રતિબંધ લાગશે. આ પહેલા આઈટી કંપની સત્યમના ઓડિટમાં ગરબડ થવા પર પ્રાઈઝ વોટરહાઉસના કામકાજ પર પ્રતિબંધ લાગ્યો હતો.