આ કંપનીઓમાં સેમસંગ, શાઓમી, માઇક્રોમેક્સ અને ઇન્ટેક્સનો સમાવેશ થાય છે. અન્ય એક મોંઘા સ્માર્ટફોન બનાવતી કંપની , વનપ્લસ પણ આ મહિને તેના સ્માર્ટ ટીવીને લૉન્ચ કરવાની યોજના બનાવી રહી છે. મોટોરોલા એન્ડ્રોઇડ 9.0 સ્માર્ટ ટીવી હાઇ ડેફિનેશન (HD), ફુલ એચડી અને અલ્ટ્રા એચડી (4K) વર્ઝનમાં ઉપલબ્ધ હશે.
સ્માર્ટ ટીવીની દુનિયામાં Motorola નો પ્રવેશ, 13,999 રુપિયાથી શરુ - સ્માર્ટ ટીવીની દુનિયામાં Motorola નો પ્રવેશ
નવી દિલ્હી: મોટોરોલા કંપનીએ ફ્લિપકાર્ટ સાથે ભાગીદારી કરીને સ્માર્ટ ટીવીની દુનિયામાં પ્રવેશ કર્યો છે. આ સાથે જ મોટોરોલા એવી કંપનીઓમાં સામેલ થઇ ગઇ છે, કે જે કંપનીઓના સ્માર્ટફોનની સાથે સ્માર્ટ ટીવી પણ માર્કેટમાં છે.
ghgf
આ ટીવી 32 ઇંચ થી 65 ઇંચમાં હશે, જેની કિંમત 13,999 રુપિયાથી શરુ થશે. ભારતીય બજારમાં આ ટીવી 29 સપ્ટેમ્બરથી ઉપલબ્ધ થશે.
મોટોરોલા મોબિલીટી ઇન્ડિયાના પ્રાદેશિક પ્રમુખ અને મેનેજિંગ ડિરેક્ટર પ્રશાંત મણિએ જણાવ્યું હતું કે, "સ્માર્ટફોન માટે ફ્લિપકાર્ટ સાથે અમારી ભાગીદારી પહેલાથી જ છે. હવે અમે તેને નવા સ્તરે લઈ ગયા છીએ. અમારા સ્માર્ટફોનની જેમ, Android ટીવી પણ આજના ગ્રાહકોની જરૂરિયાતોને ધ્યાનમાં રાખીને બનાવવામાં આવ્યા છે."