મજૂમદાર શો બાયોટેકનોલોજી ક્ષેત્રના 20 પ્રેરણાદાયી લોકોમાં સામેલ

બાયોટેકનોલોજી ક્ષેત્રની ટોપ 20 હસ્તીઓમાં કિરણ મઝુમદાર શોનો સમાવેશ કરવામાં આવ્યો છે. મઝુમદાર શોને આ ઉદ્યોગ સાહસિક અને વ્યવસાયી દિગ્ગજ તરીકે આ યાદીમાં સ્થાન આપવામાં આવ્યું છે.

કર્ણાટક: બેંગ્લોરમાં આવેલી બાયોકોન લિ.ના એક્ઝિક્યુટિવ ચેરપર્સન કિરણ મજૂમદાર શોને બાયો-હેલ્થ ક્ષેત્રના 20 પ્રેરણાદાયી લોકોની યાદીમાં શામેલ કરવામાં આવ્યા છે. 'મેડિસિન મેકર પાવર લિસ્ટ -2020'ની યાદીમાં તેમના સમાવેશ અંગે કંપનીએ સોમવારે આ વિશે માહિતી આપી હતી.

બેંગ્લોરની બાયો-ફાર્માસ્યુટિકલ્સ કંપનીએ એક નિવેદનમાં જણાવ્યું છે કે, મઝુમદાર શોને આ ઉદ્યોગસાહસિક અને દિગ્ગજ વ્યવસાયી તરીકે આ યાદીમાં સ્થાન આપવામાં આવ્યું છે.

મેડિસિન મેકર પાવર લિસ્ટ-2020માં 60 પ્રતિભાશાળી લોકોની ઉપલબ્ધિઓ શામેલ છે. જે નેને ટેકનોલોજી, બાયો-મેડિસિન અને અદ્યતન દવાઓના ક્ષેત્રમાં નવીનતા લાવી રહ્યા છે.

ઉલ્લખનીય છે કે, મઝુમદાર શોને 2015થી સતત 6ઠ્ઠી વખત આ યાદીમાં સામેલ કરવામાં આવ્યા છે.