JIOએ એરટેલ, વોડાફોન અને આઈડીયા પર લગાવ્યો છેતરપિંડીનો આરોપ

નવી દિલ્હીઃ ટેલિકમ્યુનિકેશન્સ કંપની જિઓએ પ્રતિસ્પર્ધી કંપનિયોં ભારતી એયરટેલ અને વોડાફોન, આઈડિયા લિમિટેડ પર લેન્ડલાઈન નંબરોને મોબાઈલ નંબર કહી છેતરપિંડીનો આરોપ લગાવ્યો છે. જિઓએ ટેલિકોમ રેગ્યુલેટરી ઓથોરીટી ઓફ ઈન્ડીયા (ટ્રાઈ)ને પત્ર લખી ત્રણેય પ્રતિસ્પર્ધી કંપનીઓને દંડ કરવાની માગ કરી હતી.

જોકે, ભારતી એરટેલે પલટવાર કરતા કહ્યું કે, જિઓ એક નેટવર્કથી બીજા નેટવર્કમાં જતા કોલ્સને જોડવાના ચાર્જિસની સલાહ લેતા પહેલા ટ્રાઇને છેતરવાનો પ્રયાસ કરી રહી છે.

જિઓએ ટ્રાઇને લખેલા પત્રમાં કહ્યું છે કે, બંને હરીફ કંપનીઓએ તેમના કોર્પોરેટ ગ્રાહકોને હેલ્પલાઈન નંબર માટે આપેલા લેન્ડલાઇન નંબરો જણાવીને સરકાર સાથે છેતરપિંડી કરી છે. તેના કારણે જિઓને પણ કરોડો રૂપિયાનું નુકશાન થયા છે.

જિઓએ કહ્યું કે, આ કરીને, બંને હરીફ કંપનીઓએ ગેરવાજબી રીતે કમાણી કરી છે. કંપનીએ બંને સ્પર્ધકો પર ટ્રાઇને કાર્યવાહી કરવાની માંગ કરી છે. વોડાફોન આઇડિયાએ જિઓના આ આરોપ પર હજી સુધી કોઈ પ્રતિક્રિયા આપી નથી.