આધુનિક ઈતિહાસમાં કોવિડ-19 સૌથી વિનાશક ઘટના: મુકેશ અંબાણી

મુકેશ અંબાણી અને તેમના પત્ની નીતા અંબાણીએ JIO મિટ દ્વારા પુસ્તક- 'ધ કોરોના વાઇરસ: વ્હોટ યુ નીડ ટુનો અબાઉટ ગ્લોબલ પેનડેમિક'નું ઈ-લોકાર્પણ કર્યું હતું. આ પ્રસંગે મુકેશ અંબાણીએ કહ્યું કે, તેમાં કોઈ શંકા નથી કે કોવિડ-19નો રોગચાળો આધુનિક ઇતિહાસની સૌથી વિનાશક ઘટના છે. આ જાહેર આરોગ્ય સંકટ અને અભૂતપૂર્વ આર્થિક સંકટ છે.

મુંબઈ: રિલાયન્સ ઇન્ડસ્ટ્રીઝના પ્રમુખ મુકેશ અંબાણીએ શનિવારે કોરોના વાઇરસ અંગેના પુસ્તકનું ઉદ્ઘાટન કરતાં કહ્યું કે, કોવિડ -19 એ આધુનિક ઇતિહાસની સૌથી વિનાશક ઘટના છે અને તેની સામેની લડત માટે વૈશ્વિક સ્તરે સહકારી અને સહયોગપૂર્ણ પ્રયાયોની જરૂર છે.

અંબાણી અને તેમની પત્ની નીતા અંબાણીએ JIO મિટ દ્વારા પુસ્તક - 'ધ કોરોના વાઇરસ: વ્હોટ યુ નીડ ટુ નો અબાઉટ ગ્લોબલ પેનડેમિક' નું ઇ-લોકાર્પણ કર્યું હતું. આ પુસ્તક આંતરિક ચિકિત્સાના નિષ્ણાંત ડો.સ્વપ્નીલ પારીખ, મનોવૈજ્ઞાનીક મહેરા દેસાઇ અને ન્યુરો મનોચિકિત્સક ડો.રાજેશ એમ. પારીખ દ્વારા લખાયેલું છે અને પેંગુઇન રેન્ડમ હાઉસ દ્વારા પ્રકાશિત કરાયું છે.

આ પુસ્તકમાં આ રોગચાળો ઇતિહાસ, તેનો વિકાસ, તથ્યો અને દંતકથાઓ વિશે જણાવવામાં આવ્યું છે. આ પ્રસંગે અંબાણીએ કહ્યું કે, તેમાં કોઈ શંકા નથી કે કોવિડ -19 રોગચાળો આધુનિક ઇતિહાસની સૌથી વિનાશક ઘટના છે. આ જાહેર આરોગ્ય સંકટ અને અભૂતપૂર્વ આર્થિક સંકટ છે.

ઇ-લોકાપર્ણ દરમિયાન તેમણે કહ્યું કે, "બધા દેશો મળીને તેના પરિણામો ભોગવી રહ્યા છે. તેથી વિશ્વને દરેકના સહયોગ અને સહયોગની જરૂર છે." નીતા અંબાણીએ જણાવ્યું કે, રોગચાળાને કારણે અભૂતપૂર્વ ભય, શોક અને અનિશ્ચિતતાનો આ સમય છે અને તેથી આ પુસ્તક ખૂબ જ મહત્વપૂર્ણ છે.