સપ્તાહના બીજા દિવસે આજે Share Marketની ફ્લેટ શરૂઆત, સેન્સેક્સ 25 અને નિફ્ટી 44 પોઈન્ટ ઉછળ્યો

સપ્તાહના બીજા દિવસે આજે (મંગળવારે) ભારતીય શેર બજારની (Share Market) ફ્લેટ શરૂઆત (સામાન્ય વધારા) સાથે થઈ છે. આજે સવારે 9.15 વાગ્યે સેન્સેક્સ (Sensex) 25.29 પોઈન્ટ (0.10 ટકા)ના વધારા સાથે 60,140.54ના સ્તર પર ખૂલ્યો છે. જ્યારે નિફ્ટી (Nifty) 44.40 પોઈન્ટ (0.25 ટકા)ની મજબૂતી સાથે 17,899.50ના સ્તર પર જોવા મળી રહ્યો છે.

• વૈશ્વિક બજાર (Global Market) તરફથી મિશ્ર સંકેત મળી રહ્યા છે
• સપ્તાહના બીજા દિવસે શેર બજારની (Share Market) ફ્લેટ શરૂઆત
• સેન્સેક્સમાં (Sensex) 25.29 તો નિફ્ટીમાં (Nifty) 44.40 પોઈન્ટની મજબૂતી જોવા મળી

અમદાવાદઃ વૈશ્વિક બજાર (Global Market) તરફથી મિશ્ર સંકેત મળી રહ્યા છે. ત્યારે સપ્તાહના બીજા દિવસે આજે (મંગળવારે) ભારતીય શેર બજારની (Share Market) ફ્લેટ શરૂઆત (સામાન્ય વધારા) સાથે થઈ છે. આજે સવારે 9.15 વાગ્યે બોમ્બે સ્ટોક એક્સચેન્જનો સેન્સેક્સ (Sensex of Bombay Stock Exchange) 25.29 પોઈન્ટ (0.10 ટકા)ના વધારા સાથે 60,140.54ના સ્તર પર ખૂલ્યો છે. જ્યારે નેશનલ સ્ટોક એક્સેચન્જનો નિફ્ટી (Nifty of National Stock Exchange) 44.40 પોઈન્ટ (0.25 ટકા)ની મજબૂતી સાથે 17,899.50ના સ્તર પર જોવા મળી રહ્યો છે.

આ શેર્સ રહેશે ચર્ચામાં

આજે દિવસભર એચડીએફસી (HDFC), જીએસએફસી (GSFC), રેમન્ડ (Raymond), વર્લપૂલ (Whirlpool), જેએસપીએલ (JSPL) જેવા શેર્સ સૌથી વધુ ચર્ચામાં રહેશે.

આજે મોટા ભાગના એશિયાઈ બજારમાં (Asian market) મજબૂતી સાથે વેપાર થઈ રહ્યો છે

વૈશ્વિક બજારની વાત કરીએ તો, આજે મોટા ભાગના એશિયાઈ બજારમાં (Asian market) મજબૂતી સાથે વેપાર જોવા મળી રહ્યો છે. એસજીએક્સ નિફ્ટી (SGX Nifty) 47 પોઈન્ટના વધારા સાથે વેપાર કરી રહ્યો છે. તો સ્ટ્રેટ ટાઈમ્સમાં 0.24 ટકાનો ઘટાડો આવ્યો છે. જ્યારે તાઈવાનમાં 0.80 ટકાના ઘટાડા સાથે 17,175.27ના સ્તર પર જોવા મળ્યો છે. તો શાંઘાઈ કોમ્પોઝિટમાં 0.01 ટકાની નબળાઈ જોવા મળી રહી છે. સાથે જ કોસ્પીમાં 0.94 ટકાનો ઘટાડો આવ્યો છે. હેંગસેંગ 1.17 ટકાની મજબૂતી સાથે 24,491.49ના સ્તર પર જોવા મળી રહ્યું છે. તો નિક્કેઈ 0.33 ટકાના ઘટાડા સાથે 30,139.65ના સ્તર પર જોવા મળી રહ્યું છે.

આ પણ વાંચો-તૈયાર રહેજો... 1 ઓક્ટોબરથી બેન્કિંગ નિયમો, LPG ગેસના ભાવ સહિત અનેક ફેરફાર થશે

આ પણ વાંચો-વિદેશી રોકાણકારો માટે ભારત બન્યું આકર્ષણનું કેન્દ્ર, સપ્ટેમ્બરમાં અત્યાર સુધી ભારતીય બજારોમાં 21,875 કરોડ રૂપિયાનું રોકાણ થયું