ડેટૉલની જેમ કીટાણુનાશક છે 'સેનિટાઈઝર', 18 ટકા GST લાગશેઃ નાણાં મંત્રાલય

નાણાં મંત્રાલયે એક નિવેદનમાં જણાવ્યું હતું કે, સેનિટાઈઝરની બનાવટમાં ઉપયોગ થનારા વિવિધ રસાયણ, પેકિંગ સામગ્રી અને કાચા માલ સહિતની તમામ વસ્તુઓ પર 18 ટકા GST લગાવવામાં આવ્યો છે.

નવી દિલ્હીઃ સરકારે બુધવારે જણાવ્યું હતું કે, સેનિટાઈઝર પણ સાબુ, ડેટૉલ સહિત અન્ય કીટાણુનાશક વસ્તુઓ પર 18 GST લાગું થવાની શક્યતા છે.

નાણાંમત્રાલે એક નિવેદનમાં જણાવ્યું હતું કે, હેન્ડ સેનિટાઈઝર બનાવટમાં ઉપયોગ થનારા વિવિધ રસાયણ, પેકિંગ સામગ્રી અને કાચા માલ સહિતની તમામ વસ્તુઓ પર 18 ટકા GST લાગું થઈ શકે છે.

સેનિટાઝર અને તેના જેવી અનેક વસ્તુઓ પર GST દર ઓછા કરવાથી ફરીથી નવું માળખુ તૈયાર કરાશે. એટલે કાચા માલની સરખામણીએ તૈયાર ઉત્પાદન પર વધુ દર છે. જેના કારણે હેન્ડ સેનિટાઈઝર બનાવવા માટે સેનિટાઇઝર્સના ઉત્પાદકોને પણ નુકસાન થશે.

નાણાં મંત્રાલયે આ અંગે વાત કરતાં કહ્યું હતું કે, GST દરમાં ઘટાડો કરવાથી સેનિટાઈઝરની આયાત સસ્તી થશે. પરંતુ જો તૈયાર માલની સરખામણીએ કાચા માલ પર વધુ કર લેવામાં આવશે તો તેનાથી ઉદ્યોગોને નુકસાન થશે.

આગળ વાત કરતાં તંત્રએ જણાવ્યું હતું કે, GST દરથી આયાત સસ્તી થશે તો તે દેશની આત્મનિર્ભર નીતિની વિરોધી સાબિત થશે. પરીણામે તેનો લાભ ગ્રાહકોને મળશે નહીં.

નોંધનીય છે કે, ગ્રાહકોની બાબતે મંત્રાલયે હેન્ડ સેનિટાઈઝરને અનિવાર્ય વસ્તુઓની શ્રેણીમાં મૂકી છે. પરંતુ GST કાયદા હેઠળમાં છૂટ અપાતા સામાનમાંથી તેને બાકાત રખાયું છે.