Paytmનો IPO બીજા દિવસના શરૂઆતી 2 જ કલાકમાં ઓવર સબસ્ક્રાઈબ થયો, 10 નવેમ્બર છેલ્લો દિવસ

પેટીએમ આઈપીઓના (Paytm IPO) રીટેલનો ભાગ બીજા દિવસના શરૂઆતી 2 કલાકમાં જ ઓવર સબ્સ્ક્રાઈબ (Over subscribe) થઈ ગયો છે. પેટીએમનો IPO (Paytm IPO) 8 નવેમ્બરે ખૂલ્યો હતો. જોકે, આ IPO માટે 10 નવેમ્બર સુધી એપ્લાય કરી શકાશે. પેટીએમ IPO અંગે સૌથી વધુ રીટેલ રોકાણકારોનું (Retail Investers) IPOમાં આકર્ષણ રહ્યું છે.

• પેટીએમ IPO (Paytm IPO) સબ્સ્ક્રિપ્શનના બીજા દિવસે ઓવર સબસ્ક્રાઈબ થયો
• બીજા દિવસે IPO કુલ 48 ટકા સબસ્ક્રાઈબ થયો
• રીટેલ રોકાણકારોનો સારો પ્રતિસાદ મળતા પહેલા દિવસે રિટેલનો ભાગ 70 ટકા સુધી ભરાયો

ન્યૂઝ ડેસ્કઃ પેટીએમ IPO (Paytm IPO) સબ્સ્ક્રિપ્શનના બીજા દિવસે આજે (9 નવેમ્બરે) કુલ 48 ટકા સબ્સ્ક્રાઈબ થઈ ગયો છે. જ્યારે રીટેલ ભાગ 1.23 ગણો બુક થયો છે. પહેલા દિવસે રીટેલનો ભાગ 70 ટકા સુધી ભરાયો હતો. રીટેલ રોકાણકારો તરફથી આ IPO માટે સારો પ્રતિસાદ મળી રહ્યો છે. તો નોન ઈન્સ્ટિટ્યૂશનલ ઈન્વેસ્ટર્સ (HNI) માટે રિઝર્વ મંગળવારે સવારે 12 વાગ્યા સુધી 0.29 ટકા ભર્યો છે. તો ક્વાલિફાઈડ ઈન્સ્ટિટ્યૂશનલ બાયર્સ (QIB) માટે રિઝર્વનો ભાગ અત્યાર સુધી 0.29 ટકા ભર્યો છે. પેટીએમનો IPO રોકાણ માટે 10 નવેમ્બરે બંધ થશે અને કંપનીનો પ્લાન 18 નવેમ્બરે પોતાના શેર્સ સ્ટોક માર્કેટમાં લિસ્ટ કરાવવાનો છે.

આ પણ વાંચો-નોટબંધીના 5 વર્ષ પછી ડિજિટલ ચૂકવણીની સાથે ચલણી નોટનું પ્રમાણ પણ વધ્યું

IPOની પ્રાઈઝ બેન્ડ

કંપનીએ આ IPO માટે પ્રાઈઝ બેન્ડ 2,080થી 2,150 રૂપિયા પ્રતિ શેર રાખી છે અને 6 શેર્સનો એક લોટ સાઈઝ છે. પ્રાઈઝ બેન્ડ અને લોટ સાઈઝના મતે, રીટેલ રોકાણકારોને ઓછામાં ઓછા 6 શેર્સ માટે અરજી કરવી પડશે. અપર પ્રાઈઝ બેન્ડના હિસાબે રોકાણકારો લઘુતમ 12,900 રૂપિયા લગાવવા પડશે. રીટેલ રોકાણકાર આ IPOમાં મહત્તમ 15 લોટ માટે એપ્લાઈ કરી શકે છે. આ માટે તેમને 1,93,500 રૂપિયાની ચૂકવણી કરવી પડશે.

Paytm IPOમાં એક લોટ માટે એપ્લાય કરવા ચૂકવવા પડશે 12,900 રૂપિયા

નિયમાનુસાર, એકથી ઓછા એક લોટ માટે રીટેલ રોકાણને એપ્લાય કરવાનું હોય છે. જો તમે Paytm IPOમાં એક લોટ એપ્લાય કરો છો. તો તે માટે 12,900 રૂપિયા લગાવવા પડશે. પેટીએમે પોતાના IPOનું કદ વધારીને 18,300 કરોડ રૂપિયા કરવાનો નિર્ણય કર્યો છે. પહેલા તે 16,600 કરોડ રૂપિયા હતું.

આ પણ વાંચો-કેન્દ્ર સરકારના હસ્તક્ષેપને કારણે ખાદ્ય તેલના ભાવમાં ઘટાડો થયો છેઃ ખાદ્ય મંત્રાલય

કોલ ઈન્ડિયા પછી આ દેશનો સૌથી મોટો IPO

આપને જણાવી દઈએ કે, પેટીએમ IPO દેશમાં અત્યાર સુધીનો સૌથી મોટો IPO હશે. આ પહેલા કોલ ઈન્ડિયાએ 15,500 કરોડ રૂપિયાનો IPO લોન્ચ કર્યો હતો. પેટીએમ IPOના OFSમાં કંપનીના ફાઉન્ડર વિજય શેખર શર્મા પોતાની 402.65 કરોડ રૂપિયા સુધીની ભાગીદારી વેંચશે.