મુથુટ્ટુ મિનિનો નોન-કન્વર્ટિબલ ડિબેન્ચર ઇશ્યૂ ખુલ્યો

મુથુટ્ટુ મિનિ ફાઇનાન્સર્સ લિમિટેડ વર્ષ 1998માં શરૂ થયેલી, ગોલ્ડ લોનના ક્ષેત્રમાં ડિપોઝિટ નહિ લેતી પદ્ધતિસરની અગત્યની એનબીએફસી કંપનીએ પ્રત્યેક Rs.1,000ની ફેસ વેલ્યૂ ધરાવતા સુરક્ષિત અને અસુરક્ષિત ડિબેન્ચર્સ (“NCDs”)નો પબ્લિક ઇશ્યુ ખૂલવાની જાહેરાત કરી છે.

• પ્રત્યેક Rs.1,000ની ફેસ વેલ્યૂનો સુરક્ષિત અને અસુરક્ષિત NCDનો ઇશ્યૂ
• NCD ઇશ્યૂમાં Rs.125 કરોડના બેઝ ઇશ્યૂ કદનો
• સુરક્ષિત NCDનો ભાગ Rs.200 કરોડ સુધીનો અને અસુરક્ષિત NCDનો ભાગ Rs.50 કરોડ સુધીનો

અમદાવાદ: મુથુટ્ટુ મિનિ ફાઇનાન્સર્સ લિમિટેડ 14મો NCD ઇશ્યૂ એકંદરે Rs.125 કરોડનો છે અને Rs.125 કરોડના ઓવર-સબ્સ્ક્રિપ્શન જાળવવાના વિકલ્પ સાથે તે કુલ મળીને Rs.250 કરોડનો છે. 14મો NCD ઇશ્યૂ વાર્ષિક 9.00 ટકા થી 10.25 ટકાના કૂપન રેટ સાથે NCDના ભરણાં માટે વિવિધ વિકલ્પો આપે છે. 14મો ઇશ્યુ 30 માર્ચ, 2021ના રોજ ખુલી ગયો છે અને વહેલો બંધ કરવા અથવા લંબાવવાના વિકલ્પ સાથે 23મી એપ્રિલ, 2021ના રોજ બંધ થશે.

ચોખ્ખી NPA 0.59 ટકા

30 સપ્ટેમ્બર 2020 સુધીમાં, MMFL પાસે મુખ્યત્વે ગ્રામીણ અને અર્ધ શહેરી વિસ્તારોમાંથી કુલ મળીને Rs.1825.55 કરોડના 3,69,019 ગોલ્ડલોન એકાઉન્ટ્સ હતા. જે તેની કુલ લોન્સ અને એડવાન્સિસમાં 97.27 ટકા ભાગ ધરાવતા હતા. 30 સપ્ટેમ્બર, 2020ના રોજ પૂરા થયેલા છ મહિનાના સમયગાળા દરમિયાન તેની ચોખ્ખી નોન-પર્ફોર્મિંગ એસેટ્સ 0.59 ટકા હતી, જે માર્ચ 2020માં નોંધાયેલી 1.34 ટકા ચોખ્ખી નોન-પરફોર્મિંગ એસેટ્સ કરતા નીચી હતી.

વધુ વાંચો:ભારતમાં આર્થિક સ્થિતિમાં સુધારાની શરૂઆત, પણ હજીય પડકારો છે

ઈશ્યૂની ઉપજનો ઉપયોગ નીચે દર્શાવેલા હેતુ માટે કરાશે

આ કંપની અગાઉ કૌટુંબિક વ્યવસાય એન્ટરપ્રાઇઝનો ભાગ હતી. જેની સ્થાપના નિનાન મથાઈ મુથુટ્ટુએ 1887માં કરી હતી અને હવે તેની અધ્યક્ષતા ચેરવુમન અને પૂર્ણકાલિન ડિરેક્ટર, નિઝ્ઝી મેથ્યુ કરે છે અને મેથ્યુ મુથુટ્ટુ તેના મેનેજિંગ ડિરેક્ટર છે. ઇશ્યૂની ચોખ્ખી ઉપજનો ઉપયોગ આગળના ધિરાણ, ફાઇનાન્સિંગ અને કંપનીની લોન પરના વ્યાજ અને મૂડીની ચુકવણી/પૂર્વ ચુકવણી (ઓછામાં ઓછી 75 ટકા) અને બાકીના (25 ટકા સુધી) સામાન્ય કોર્પોરેટ હેતુ માટે કરવામાં આવશે.

NCDનું BSE પર લિસ્ટિંગ કરાશે

25 માર્ચ, 2021ના પ્રોસ્પેકટસ દ્વારા ઓફર કરવામાં આવેલી સુરક્ષિત અને અસુરક્ષિત NCDનું BSE પર લિસ્ટિંગ કરવાની દરખાસ્ત છે. ઇશ્યૂની લીડ મેનેજર વિવ્રો ફાઇનાન્સિયલ સર્વિસીસ પ્રાઈવેટ લિમિટેડ છે. વિસ્ટ્રા આઇટીસીએલ (ઇન્ડિયા) લિમિટેડએ ડિબેન્ચર ટ્રસ્ટી છે અને લિન્ક ઇનટાઇમ ઇન્ડિયા પ્રાઈવેટ લિમિટેડ ઇશ્યૂના રજિસ્ટ્રાર છે.

વધુ વાંચો:અસ્થિર સ્ટોક બજારોમાં નાના રોકાણકારો પોતાના નાણાંનું રક્ષણ કેવી રીતે કરી શકે?