વર્ષ 2021માં ITC સમૂહની વિદેશી ચલણની આવક 29 ટકા વધી, કૃષિ અને વસ્તુઓની નિકાસથી થયો ફાયદો

ITC કંપનીના નવા વાર્ષિક રિપોર્ટમાં એક મહત્વની માહિતી સામે આવે છે. આ રિપોર્ટમાં કહેવામાં આવ્યું છે કે, નાણાકીય વર્ષ 2021માં નિકાસથી સમૂહની કુલ વિદેશી ચલણની આવક 29.08 ટકા વધી છે. જોકે, ITC લિમિટેડ (ITC Limited) દ્વારા કમાવવામાં આવેલી વિદેશી ચલણ 31.2 ટકા વધીને 4,600 કરોડ રૂપિયા થયું છે. આનું મુખ્ય કારણ કૃષિ અને વસ્તુઓની નિકાસ છે.

• ITC કંપનીના નવા વાર્ષિક રિપોર્ટમાં મહત્વની માહિતી આવી સામે
• નાણાકીય વર્ષ 2021માં નિકાસથી સમૂહની કુલ વિદેશી ચલણની આવક 29.08 ટકા વધી
• ITC લિમિટેડ (ITC Limited) દ્વારા કમાવવામાં આવેલી વિદેશી ચલણ 31.2 ટકા વધીને 4,600 કરોડ રૂપિયા થયું

નવી દિલ્હીઃ ITC સમૂહની નાણાકીય વર્ષ 2020-21માં નિકાસથી કુલ વિદેશી ચલણ આવક 29.08 ટકા વધીને 5,934 કરોડ રૂપિયા થઈ છે. સમૂહે પોતાના નવા વાર્ષિક રિપોર્ટમાં આ જાણકારી આપી હતી. આ સાથે જ જણાવ્યું હતું કે, ITC લિમિટેડ (ITC Limited) દ્વારા કમાવવામાં આવેલી વિદેશી ચલણ 31.2 ટકા વધીને 4,600 કરોડ રૂપિયા થયું છે. આનું મુખ્ય કારણ કૃષિ અને વસ્તુઓની નિકાસ છે.

આ પણ વાંચો-2nd Day of Share Market: સતત બીજા દિવસે શેર બજારની નબળી શરૂઆત, સેન્સેક્સ 179 પોઈન્ટ તૂટ્યો

ITCનું વિદેશી ચલણ ખર્ચ 1,664 કરોડ રૂપિયા હતું

રિપોર્ટમાં જણાવ્યું હતું કે, નાણાકીય વર્ષ 2020-21 દરમિયા કંપની અને તેની સહાયક કંપનીઓએ વિદેશી ચલણના માધ્યમથી 5,934 કરોડ રૂપિયા કમાણી કરી હતી અને આની સહાયક કંપનીઓ સહિત કુલ કમાણી 4,597 કરોડ રૂપિયા હતી. 31 માર્ચ 2021એ સમાપ્ત નાણાકીય વર્ષમાં ITCનું વિદેશી ચલણ ખર્ચ 1,664 કરોડ રૂપિયા હતું.

આ પણ વાંચો-હોલમાર્ક કાયદાના નવા નિયમોથી રાજકોટ સોની બજારના વેપારીઓમાં રોષ

10 વર્ષમાં ITC સમૂહની વિદેશી ચલણ આવક 7.3 અબજ ડોલર રહી

આમાંથી કંપનીના મુખ્ય રીતે કાચા માલ (Raw materials), ભાગ અને અન્ય સામાન પર 1,366 કરોડ રૂપિયા ખર્ચ્યા હતા. જ્યારે 298 કરોડ રૂપિયાની કેપિટલ ગુડ્સના (Capital Goods) સામાનની આયાત કરી હતી. રિપોર્ટ અનુસાર, છેલ્લા 10 વર્ષમાં ITC સમૂહની વિદેશી ચલણ આવક લગભગ 7.3 અબજ ડોલર રહી છે, જેમાંથી કૃષિ નિકાસ 56 ટકા હતી.