આજથી શરુ થશે ભારત-બાંગ્લાદેશ વચ્ચે લક્ઝરી ક્રુઝ સેવા

નવી દિલ્હી: સુંદરવનથી લઈને ઢાકા સુધી મુસાફરોને લઈ જવા માટે આજે ભારત અને બાંગ્લાદેશ વચ્ચે ક્રુઝ સર્વિસ શરૂ કરશે. વિદેશ મંત્રાલયના વરિષ્ઠ અધિકારીઓએ આ વિશે જાણકારી આપી હતી.

વિદેશ મંત્રાલયના સંયુક્ત સચિવ વિક્રમ ડોરાવિસ્વામીએ કહ્યું કે આ નિર્ણયનો મુખ્ય હેતુ બંને દેશો વચ્ચેના જળમાર્ગને મજબુત બનાવવાનો છે.

તેમણે કહ્યું કે, "અમારી પાસે નદીઓના એક નિશ્ચિત સમૂહના ઉપયોગ માટે પ્રોટોકોલ પર હસ્તાક્ષર કરવાની સાથે અંતર્દેશીય જલમાર્ગ પણ છે. હેવે અમે શુક્રવારથી ભારત અને બાંગ્લાદેશ વચ્ચે ક્રુઝ સેવા શરુ કરવા જઇ રહીએ છીએ. જ્યાં લોકો સુંદરવનથી લઈને ઢાકા સુધી વૈભવી ક્રુઝનો લાભ લઈ શકે છે. બંને દેશોના સરહદ પોઇન્ટ પર, તેઓને જરૂરી મર્યાદા ઔપચારિકતાઓમાંથી પસાર થવું પડશે."

તેમણે કહ્યું કે રોડ અને રેલ્વે સિવાય હવે ભારત અને બાંગ્લાદેશ વચ્ચે વીજળીની પણ મજબૂત કનેક્ટિવિટી છે.

તેઓએ કહ્યું, "અમે આંતરિક જળમાર્ગોનો ઉપયોગ કરીને માલની અવર-જવર શરૂ કરી છે, તેથી ભારતનો માલ નારાયણગાંજ અને ઢાકામાં સૌથી સસ્તા રુપમાં પહોંચડાવું શક્ય બની જશે."

તેમણે એમ પણ કહ્યું કે 14 લાખ વિઝા સાથે બાંગ્લાદેશ સૌથી મોટી વિઝા ઓપરેશન સાઇટ છે. લગભગ 2.6 મિલિયન (26 લાખ) બાંગ્લાદેશી નાગરિકોએ ગયા વર્ષે ભારતની મુલાકાત લીધી હતી.