EDને આશા છે કે, ભાગેડુ માલ્યાની જલદી જ ધરપકડ કરાશે

તપાસ સાથે સંકળાયેલા ઇડીના એક વરિષ્ઠ અધિકારીએ કહ્યું કે, "બ્રિટિશ હાઈકોર્ટે ગઈકાલે માલ્યાની અપીલ નામંજૂર કરી હતી અને હવે તેમની પાસે સુપ્રીમ કોર્ટમાં અપીલ કરવાનો વિકલ્પ છે."

નવી દિલ્હી: એન્ફોર્સમેન્ટ ડિરેક્ટોરેટ (ઇડી) એ મંગળવારે કહ્યું કે કિંગફિશર એરલાઇન્સના પૂર્વ અધ્યક્ષ વિજય માલ્યાની ભારત પ્રત્યાર્પણ બાદ અટકાયત કરવામાં આવે તેવી સંભાવના છે. બ્રિટિશ હાઇકોર્ટે માલ્યાની પ્રત્યાર્પણની અપીલ નામંજૂર કર્યાના એક દિવસ બાદ આ ટિપ્પણી કરી હતી.

તપાસ સાથે સંકળાયેલા ઇડીના એક વરિષ્ઠ અધિકારીએ કહ્યું કે, "બ્રિટિશ હાઈકોર્ટે ગઈકાલે માલ્યાની અપીલ નામંજૂર કરી હતી અને હવે તેમની પાસે સુપ્રીમ કોર્ટમાં અપીલ કરવાનો વિકલ્પ છે."

અધિકારીએ કહ્યું કે યુનાઇટેડ કિંગડમ (યુકે) માં કાર્યપદ્ધતિ થોડી જુદી છે, કારણ કે માલ્યાએ હાઈકોર્ટ મારફત જ સર્વોચ્ચ કોર્ટમાં પહોંચવું પડશે.

અધિકારીએ કહ્યું કે માલ્યાએ સુપ્રીમ કોર્ટનો દરવાજો ખટખટાવવાની જરૂર કેમ છે તે અંગે હાઇકોર્ટ સમક્ષ સમજાવવું પડશે.

તેમણે કહ્યું, "જો હાઈકોર્ટ સંતુષ્ટ થશે, ત્યારે જ બ્રિટનમાં સુપ્રીમ કોર્ટ તેમની વાત સાંભળશે."

સોમવારે લંડન હાઇકોર્ટે 2018 ના ચુકાદાને સમર્થન આપ્યું હતું, જે તેમને ભારત પાછા મોકલવાનો આદેશ આપે છે. કોર્ટે સ્વીકાર્યું કે માલ્યાએ 2012 માં તેની કંપની કિંગફિશર એરલાઇન્સના પતન માટે અનેક ખોટા નિવેદનો આપ્યા હતા.