Zycov-D રસીની પ્રતિ ડોઝ કિંમત 265 રૂપિયા નક્કી કરાઈ, ટૂંક સમયમાં અંતિમ નિર્ણય

સરકાર સાથે સતત વાટાઘાટો બાદ ઝાયડસ કેડિલા તેની કોવિડ-19 રસીની કિંમત પ્રતિ ડોઝ 265 રૂપિયા કરવા સંમત થઈ છે, પરંતુ હજુ સુધી અંતિમ સમજૂતી થઈ નથી.

• Zycov-D રસીને સરકાર અને કંપની વચ્ચે થઈ વાતચીત
• વેક્સિનની કિંમત નક્કી કરવામાં આવી હોવાની માહિતી
• રસીની કિંમત રૂપિયા 358 પ્રતિ ડોઝ રાખવામાં આવી

નવી દિલ્હી :સરકાર સાથે સતત વાટાઘાટો બાદ ઝાયડસ કેડિલા તેની કોવિડ-19 રસીની કિંમત પ્રતિ ડોઝ 265 રૂપિયા કરવા સંમત થઈ છે, પરંતુ હજુ સુધી અંતિમ સમજૂતી થઈ નથી. સૂત્રોએ રવિવારે આ જાણકારી આપી હતી.

ત્રણ ડોઝની દવા માટે 1900 રૂપિયાની ઓફર

સોય-મુક્ત Zycov-D રસીના દરેક ડોઝને પહોંચાડવા માટે રૂપિયા 93ની કિંમતના નિકાલજોગ પેઇનલેસ જેટ એપ્લીકેટરની જરૂર પડશે, જેથી તેની કિંમત રૂપિયા 358 પ્રતિ ડોઝ થઈ છે. એક સૂત્રએ જણાવ્યું હતું કે, અમદાવાદ સ્થિત ફાર્માસ્યુટિકલ કંપનીએ અગાઉ તેની ત્રણ ડોઝની દવા માટે 1900 રૂપિયાની ઓફર કરી હતી. આધારભુત સૂત્રએ જણાવ્યું હતું કે, “કંપની અને સરકાર વચ્ચે અનેક વાટાઘાટો બાદ, રસીના દરેક ડોઝની કિંમત 358 રૂપિયા નક્કી કરવામાં આવી છે, જેમાં 93 રૂપિયામાં ડિસ્પોઝેબલ જેટ એપ્લીકેટરનો સમાવેશ થાય છે. આ મામલે અંતિમ નિર્ણય આ અઠવાડિયે લેવામાં આવે તેવી શક્યતા છે. સૂત્રએ કહ્યું કે, 28 દિવસના અંતરાલમાં ત્રણ ડોઝ આપવાના છે.

NTAGIની ભલામણોની રાહ

વિશ્વની પ્રથમ સ્વદેશી રીતે વિકસિત ડીએનએ-આધારિત સોય-મુક્ત કોવિડ-19 રસી Zycov-D ને 20 ઓગસ્ટના રોજ ડ્રગ રેગ્યુલેટર તરફથી કટોકટીના ઉપયોગની મંજૂરી મળી હતી. 12 વર્ષ અને તેથી વધુ વયના કિશોરોને આપવામાં આવતી આ પ્રથમ રસી છે. આ દરમિયાન, સરકાર પુખ્ત વયના અને અન્ય રોગોવાળા બાળકોને ઝાયકોવ-ડી રસી આપવા માટે રાષ્ટ્રીય ટેકનિકલ એડવાઈસ ઓન ઈમ્યુનાઈઝેશન (NTAGI) ની ભલામણોની રાહ જોઈ રહી છે. NTAGI કોવિડ-19 રસીકરણ અભિયાનમાં આ રસીના સમાવેશ માટે પ્રોટોકોલ અને ફ્રેમવર્ક તૈયાર કરશે.

આ પણ વાંચો: